جموں/05 دسمبر
جموں وکشمیر بھاجپا یونٹ کے صدر رویندر رینا کا کہنا ہے کہ جب بھی یونین ٹریٹری میں اسمبلی انتخابات ہونگے بھاجپا پچاس سیٹیں حاصل کرکے اپنے بل بوتے پر سرکار بنائے گی۔انہوں نے کہاکہ اس وقت جموں وکشمیر میں بھاجپا کی لہر ہے اور آئے روز لوگ اس پارٹی کے ساتھ اپنی وابستگی جتا رہے ہیں۔اطلاعات کے مطابق بھارتیہ جنتاپارٹی کے یوٹی صدر رویندر رینا نے دعویٰ کیا کہ جموں وکشمیر میں اگلی سرکار بی جے پی بنائے گی۔انہوں نے کہاکہ لوگ جوق در جوق اس پارٹی میں شامل ہو رہے ہیں جو اس بات کا بین ثبوت ہے کہ جموں وکشمیر میں بھاجپا کی لہر ہے۔ا±ن کے مطابق بی جے پی نے لوگوں سے جتنے بھی وعدئے کئے ا±نہیں پورا کیا گیا۔انہوں نے کہا ہم دعووں میں یقین نہیں رکھتے بلکہ جو کہتے ہیں وہ کرتے بھی ہیں۔رویندر رینا کے مطابق جموں وکشمیر میں جب بھی اسمبلی انتخابات ہونگے بی جے پی واحد بڑی پارٹی کے طورپر ابھر کر سامنے آئے گی۔انہوں نے کہاکہ میں پورے یقین کے ساتھ کہتا ہوں کہ جموں وکشمیر میں اگلی سرکار بی جے پی کی ہوگی اور وزیرا علیٰ بھی بھاجپا کا ہی ہوگا۔بتادیں کہ جموں وکشمیر میں حد بندی کمیشن او رووٹ سمری کا عمل مکمل ہونے کے بعد اب الیکشن کمیشن آف انڈیا پر سبھی کی نظریں ٹکی ہوئی ہے۔
