جموں، 4 اگست : شری امرناتھ جی یاترا کے لئے جموں کے بھگوتی نگر بیس کیمپ سے بم بم بولے نعروں کے بیچ یاتریوں کا کشمیر روانہ ہونے کا سلسلہ تواتر سے جاری ہے۔سرکاری ذرائع نے بتایا کہ بھگوتی نگر بیس کیمپ سے جمعہ کی صبح 1181 یاتریوں پر مشتمل 33 واں جھتا کشمیر کے لئے روانہ ہوا۔
انہوں نے کہا کہ یہ یاتریوں 46 چھوٹی بڑی گاڑیوں میں سخت سیکورٹی بندوبست کے بیچ ننون پہلگام اور بالتل بیس کیمپوں کے لئے روانہ ہوئے۔
ان کا کہنا تھا کہ ننون پہلگام بیس کیمپ کے لئے 24 گاڑیوں میں 706 یاتری روانہ ہوئے جن میں 570 مرد، 95 خواتین، 35 سادھو اور 6 سادھویں شامل تھیں۔
بالتل بیس کیمپ کے لئے 22 گاڑیوں میں 475 یاتری روانہ ہوئے جن میں 327 مرد، 138 خواتین اور 10 بچے شامل تھے۔
یکم جولائی سے شروع ہونے والی اس یاترا کے دوران اب تک زائد از سوا چار لاکھ یاتریوں نے پوتر گھپا کا درشن کیا ہے.سال گذشتہ کل پونے چار لاکھ کے قریب یاتریوں نے ہی پوتر گھپا کا درشن کیا تھا۔
62 دنوں پر محیط یہ یاتر 31 اگست کو شرون پورنیما کے متبرک موقع پر اختتام پذیر ہوگی۔
