جموں: پونچھ ضلع کے دیگوار سیکٹر میں لائن آف کنٹرول (ایل او سی) کے قریب سکیورٹی فورسز نے دراندازی کی کوشش کو ناکام بنادیا اس دوران دو درانداز ہلاک کیا گیا۔ ایل او سی پر مشتبہ نقل و حرکت دیکھنے کے بعد پونچھ میں فوج اور جموں و کشمیر پولیس کی طرف سے تلاشی آپریشن جاری ہے۔ سرحدی ضلع پونچھ میں ایل او سی کے قریب عسکریت پسندوں اور فوجی اہلکاروں کے درمیان فائرنگ کا تبادلہ درمیانی رات 2 بجے شروع ہوا۔
چوکس فوجی جوانوں کی جوابی کاروائی میں ایک درانداز ہلاک جبکہ دوسرا درانداز زخمی حالت میں واپس سرحد پار چلا گیا۔ ابتدائی اطلاعات کے مطابق سیکورٹی فورسز نے آج صبح پونچھ ضلع کے دیگوار سیکٹر میں دراندازی کی کوشش کو ناکام بنا دیا ہے۔فوج نے کہا کہ 06 اور 7 اگست کی درمیانی رات کھوکری پوسٹ کے قریب دیگوار سیکٹر میں دراندازی کی کوشش کو ناکام بنایا گیا۔
دفاعی ترجمان کے مطابق چوکس دستوں نے ایل او سی کے قریب مشکوک نقل و حرکت دیکھی، جہاں 2 سے 3 درانداز سرحد پار کرنے کی کوشش کر رہے تھے جس کو دیکھ کر فوج نے فوری طور پر چوکی کے قریب آپریشن شروع کیا اور دراندازوں کا پیچھا کیا۔ جس کے نتیجے میں فائرنگ کا تبادلہ ہوا۔ فائرنگ کے تبادلے میں ایک درانداز کو سیکورٹی فورسز نے ہلاک کردیا جبکہ دوسرا زخمی ہوگیا۔ فوجی ترجمان نے اس حوالے سے مزید کہا کہ تلاشی آپریشن جاری ہیں۔
