سابق ممبر پارلیمنٹ اور سینئر بی جے پی لیڈر کو خراجِ عقیدت پیش کیا
اتر پردیش :لفٹینٹ گورنر مسٹر منوج سنہا نے اتر پردیش کے شری لال بہادر شاستری ڈگری کالج گونڈہ میں پرتیبھا سمن سماروہ کے دوران نوجوانوں کو مبارکباد دی اور ان سے بات چیت کی ۔
یہ تقریب سابق ممبر پارلیمنٹ اور سینئر بی جے پی لیڈر شری ستیہ دیو سنگھ کی برسی کی یاد میں منعقد کی گئی تھی ۔ یادگاری تقریب میں لفٹینٹ گورنر نے شری ستیہ دیو سنگھ کو خراجِ عقیدت پیش کیا اور قوم کیلئے ان کی وقف خدمات اور عوامی بھلائی کے عزم کو یاد کیا ۔
لفٹینٹ گورنر نے کہا ’’ستیہ دیو سنگھ ایک بڑے قابل احترام رہنما تھے جنہوں نے چار دہائیوں سے زیادہ پر محیط عوامی کیرئیر میں مختلف صلاحیتوں میں خود کو ممتاز کیا ۔ وہ مستقبل کی ضرورتوں اور ہندوستان کو درپیش چیلنجوں کو سمجھتے تھے اور سماجی مساوات اور سب کیلئے مواقع تک مساوی رسائی کو یقینی بنا کر حل فراہم کرنے کیلئے پرعزم رہے ۔ ‘‘
اپنے خطاب میں لفٹینٹ گورنر نے اعلیٰ تعلیم کے شعبے میں عزت مآب وزیر اعظم شری نریندر مودی کی رہنمائی میں پچھلے کچھ برسوں میں ہونے والی تبدیلیوں پر روشنی ڈالی ۔
انہوں نے کہا کہ وژنری نیشنل ایجوکیشن پالیسی ہماری مستقبل کی ترقی کی مضبوط بنیاد رکھ رہی ہے ۔
انہوں نے مزید کہا کہ نالج کنیکٹیویٹی ، ہنر مندی ، انٹر پرنیور شپ اور پائیدار ترقی پر توجہ دینے نے ہندوستان کو دنیا کا نیا گروتھ انجن بنا دیا ہے ۔
لفٹینٹ گورنر نے مستقبل کی افرادی قوت کی استعداد کار بڑھانے اور ترقی یافتہ ہندوستان کے وژن کو عملی جامہ پہنانے میں تعلیمی اداروں کے اہم رول پر زور دیا ۔
انہوں نے کہا کہ تعلیمی ادارے ملک کی ترقی کو آگے بڑھا رہے ہیں اور انہیں کلاس روم سے باہر سیکھنے کو فروغ دینا چاہئیے ۔ قومی تعلیمی پالیسی 2020 مسلسل بدلتے ہوئے منظر ناموں کو ایڈجسٹ کرنے کیلئے صلاحیت کی تعمیر پر زور دیتی ہے ۔ اس نے کالج کے کیمپس کو نئی دریافتیں ، نئی ایجادات کرنے کا حوصلہ دیا ہے ۔
لفٹینٹ گورنر نے مزید کہا کہ ہمیں این ای پی 2020 کے ساتھ مل کر ایک ساز گار ماحول تیار کرنے کیلئے ضروری اصلاحات کرنے کی ضرورت ہے جہاں طلباء حقیقی دنیا کے چیلنجوں سے نمٹنے کیلئے مہارتیں اور اقدار حاصل کریں ۔
انہوں نے کہا ہم آج سب سے تیزی سے ترقی کرنے والی معیشت ہیں لیکن ہمارا چیلنج یہ یقینی بنانا ہے کہ 2047 تک عالمی جی ڈی پی میں ہندوستان کا حصہ ایک چوتھائی سے زیادہ ہو ۔
لفٹینٹ گورنر نے ایجادات اور تحقیق کو فروغ دینے اور تعلیمی اداروں میں بین الضابطہ تعلیم کی حوصلہ افزائی کے حوالے سے اپنی قیمتی تجاویز بھی دیں ۔
ہر اعلیٰ تعلیمی ادارے کو چار اہم پہلوؤں رسائی ، مساوات ، معیار اور نتیجہ پر توجہ دینی چاہئیے اور طلبہ میں سائنسی سوچ ، تجسس اور تخلیقی صلاحیتوں کو پروان چڑھانا چاہئیے ۔ انہوں نے مزید کہا کہ نوجوانوں کو اخلاقی قیادت کیلئے تیار رہنا چاہئیے اور دوسروں کو بھی معاشرے کی فلاح و بہبود کیلئے کام کرنے کی ترغیب دینا چاہئیے ۔
اس موقع پر لفٹینٹ گورنر نے مختلف شعبوں میں نمایاں کارکردگی کا مظاہرہ کرنے والے افراد کو خراجِ عقیدت پیش کیا ۔ انہوں نے شری لال بہادر شاستری ڈگری کالج میں شاستری پویلین کا بھی افتتاح کیا اور ستیہ سروج فاؤنڈیشن کی اشاعت جاری کی ۔
اس موقع پر مسز نیہا شرما صدر شری لال بہادر شاستری ڈگری کالج منیجنگ کمیٹی ، مسز ورشا سنگھ کالج کی انتظامی کمیٹی کی نائب صدر ، ستیہ سروج فاؤنڈیشن کے ممبران ، ممتاز شہری ، فیکلٹی ممبران اور کالج کے طلباء موجود تھے ۔
