چٹان ویب مانیٹرینگ
فلم ‘دھڑک ‘ سے بالی ووڈ میں ڈیبیو کرنے والی خوبصورت اداکارہ جھانوی کپور کی فلم ‘گڈ لک جیری’ کا فرسٹ لک پوسٹر جمعہ کو میکرز کی جانب سے جاری کر دیا گیا ہے۔ جھانوی کپور نے اپنے انسٹاگرام اکاو¿نٹ پر فلم ‘گڈ لک جیری’ کے دو پوسٹرز شیئر کیے ہیں۔ پہلے پوسٹر میں اس کے ہاتھ میں بندوق نظر آرہی ہے اور وہ بہت خوفزدہ نظر آرہی ہیں۔ دوسرے پوسٹر میں وہ ایک میز کے پیچھے چھپی ہوئی نظر آرہی ہیں اور ان کا آدھا چہرہ نظر آرہا ہے۔ پوسٹر شیئر کرتے ہوئے جہانوی نے لکھا- ‘میں ایک نئے ایڈونچر پر نکلی ہوں، قسمت نہیں بولے گی؟’ جھانوی کپور نے یہ بھی بتایا کہ فلم ‘گڈ لک جیری’ 29 جولائی کو ڈزنی پلس ہاٹ اسٹار پر دکھائی جائے گی۔
خاص بات یہ ہے کہ فلم گڈ لک جیری کا اعلان گزشتہ سال ہی کیا گیا تھا۔ فلم کی شوٹنگ مکمل ہوچکی ہے اور اس فلم میں جھانوی کے علاوہ دیپک ڈوبریال، میتا وششٹ، نیرج سود اور سوشانت سنگھ بھی اہم کرداروں میں ہوں گے۔ فلم کے ہدایت کار سدھارتھ سین گپتا ہیں، جب کہ سبھاشکرن اور آنند ایل رائے پیش کریں گے۔ اس فلم کے علاوہ جہانوی کپور کی کئی فلمیں ریلیز ہونے والی ہیں جن میں ‘ملی’ اور ‘بوال’ شامل ہیں۔
