جموں، 25 اگست :
جموں و کشمیر میں گذشتہ چوبیس گھنٹوں کے دوران مطلع جزوی طور ابر آلودہ رہا۔ اس دوران جموں کے مختلف اضلاع میں گرج چمک کے ساتھ بارش بھی ہوئی۔ محکمہ موسمیات (می ای ٹی) نے جمعرات کے روز کہا کہ اگلے 24 گھنٹوں کے دوران جموں و کشمیر میں ہلکی سے درمیانی بارش کی توقع ہے۔
محکمہ موسمیات کے ایک اہلکار نے بتایا کہ اگلے 24 گھنٹوں کے دوران جموں و کشمیر میں ہلکی سے درمیانی بارش کا امکان ہے۔ اس دوران سری نگر میں آج صبح کم سے کم درجہ حرارت 17.7 ڈگری سیلسیس، پہلگام میں 15.1 اور گلمرگ میں 10 ڈگری سیلسیس درج کیا گیا۔ لداخ کے علاقے دراس میں 12.3 ڈگری سیلسیس، لیہہ میں 12.9 ڈگری سیلسیس اور کرگل میں 15.4 ڈگری سیلسیس درجہ حرارت ریکارڈ کیا گیا۔ جب کہ جموں میں 25 ڈگری، کٹرہ میں 22.4، بٹوت میں 16.8، بانہال میں 17.6 اور بھدرواہ میں 17.9 ڈگری سیلسیس درجہ حرارت ریکارڈ کیا گیا۔
