تحریر:ڈاکٹر نذیر مشتاق
دو سال تک ماں نہ بننے کےجرم کی پاداش میں سسرال والوں نے حلیمہ کو گھر سے نکال دیا مگر اس کے شوہر نے اس کا ساتھ نبھایا ۔۔۔۔۔قدرت خدا کی کہ وہ لگاتار تین بار جڑواں بیٹوں کی ماں بن گئی ۔۔۔۔۔۔۔اور اس کے گھر میں چھ بچے پروان چڑھے۔۔۔۔۔۔اس کا شوہر صبح سے شام تک کھیتوں میں کام کرتا اور حلیمہ بچوں کا خیال رکھتی ۔۔۔دس برس بعد اچانک اس کا شوہر چل بسا اور وہ اکیلی زندگی کے دیو کے ساتھ لڑتی رہی ۔۔۔۔۔۔۔بچے بڑے ہوگئے ۔۔۔گاوں میں سرکار کی طرف سے نوجوان روزگار سکیم کے تحت اس کے سبھی بیٹوں کو نوکری مل گئی ۔۔اور انہوں نے اپنی اپنی دنیا بسالی ۔۔۔۔۔۔ماں اکیلی رہ گئی ۔۔۔۔۔۔۔اچانک ایک دن چھ بیٹوں کو ماں کا خیال آیا اور وہ سب ماں کے پاس آئے اور اس کے اردگرد جمع ہوگئے
سب سے بڑے بیٹے نے کہا ۔۔۔۔اماں ہم۔چار دنوں سے سوچ رہے ہیں کہ تو ہمارے ساتھ زندگی گزار لے کیونکہ اب تمہاری طبیعت ٹھیک نہیں رہتی ہے ۔۔۔۔مگر ہماری سمجھ میں نہیں آرہا کہ کہ تو کس کے ساتھ رہے گی ۔۔یا پھر دو دو ماہ ہر ایک کے ساتھ رہے گی ۔یا پھر۔۔۔۔۔۔۔۔۔۔کچھ سمجھ میں نہیں آرہا ہے ۔۔اب تو ہی فیصلہ کرلے کہ کیا کیا جائے ۔۔۔۔۔۔۔۔۔۔
یہ سن کر ماں زور زور سے ہنسنے لگی ۔۔۔وہ ہنستی رہی ۔۔۔۔۔۔اخر بیٹے نے اس سے پوچھا ۔۔۔۔اماں تو کیوں ہنس رہی ہے ۔۔۔۔۔۔۔۔۔۔،ارے بیٹا ۔۔۔۔۔میں اس لیے ہنس رہی ہوں کہ مجھ اکیلی نے تم چھ کو سنبھالا اور تم ایک اکیلی کو نہیں سنبھال سکتے ہو ۔۔۔۔۔اس نے کہنا چاہا مگر چںد لمحے خاموش رہ کر کہا
تم سب اپنی اپنی زندگی گزارلو میں تمہارے باپ کی اسی جھونپڑی میں رہوں گی ۔۔اخری دم تک ۔۔۔۔۔۔
