ممبئی:اداکارہ سنی لیون کا شمار انمعروف شخصیات میں ہوتا ہے، جو ٹیلی ویژن کے ساتھ ساتھ فلم انڈسٹری میں بھی اپنی جگہ بنانے میں کامیاب رہیں جب کہ شائقین انھیں اسکرین پر دیکھناپسند کرتے ہیں وہ سب سے مشہور ہندوستانی ڈیٹنگ شو ’اسپلٹس وِلا‘ میں میزبان کے طور پر مقبول ہو چکی ہیں اب اداکارہ شو کے نئے سیزن کی میزبان کے طور پر واپسی کے لیے تیار ہیں جس کا نام عارضی طور پر ’اسپلٹس وِلا ایکس5‘ رکھا گیا ہے۔ سنی، جنہوں نے سلمان خان کی میزبانی والے شو ’بگ باس‘ کے کئی سیزن میں بطور مہمان شرکت کی تھی، یقینی طور پر ’اسپلٹس وِلا ایکس5‘ میں کچھ دلکش، خوبصورتی اور اومف فیکٹر لائے گی۔ اس شو کو پہلے ارجن بجلانی، نکھل چنپا اور رنوجے سنگھ جیسے اداکاروں نے مشترکہ میزبانی کی تھی۔
دیگر رئیلٹی شو کے میزبانوں کے برعکس سنی کو مدمقابل کے ساتھ پرسکون، صبروتحمل کا مظاہرہ کرنے والی اور دوستانہ دیکھا گیا ہے نکھل چنپا سنی کے ساتھ کام کرنے کے بارے میں بات کرتے ہوئے کہتے ہیں کہ اداکارہ سپر پروفیشنل ہیں اورنقلی نہیں۔ انہوں نے بتایا کہ سیٹ پر دو منٹ کی تاخیر سے بھی پہنچنے پر سنی لوگوں سے معافی مانگتی ہیں۔
جبکہ ارجن بجلانی نے گزشتہ سیزن میں شو کی میزبانی کی تھی، تنوج ویروانی کو آنے والے سیزن میں سنی لیون کے ساتھ ریئلٹی شو کی شریک میزبانی کے لیے رابطہ کیا گیا ہے۔ یہ دیکھنا دلچسپ ہوگا کہ تنوج اور سنی کی جوڑی شو، مقابلہ کرنے والوں اور ناظرین کے لیے کس طرح کام کرے گی۔یہ پروگرام جلد ہی ٹیلی ویڑن پر نشر ہونے کی امید ہے۔
