نئی دہلی ،21 جون :
ملک کے نئے صدر کا انتخاب 18 جولائی کو ہونا ہے اور سب کی نظریں صدارتی امیدواروں پر لگی ہوئی ہیں۔ ایسے میں اپوزیشن کی جانب سے یشونت سنہا کو امیدوار بنایا گیا ہے۔ یشونت سنہا نے ٹویٹ کرتے ہوئے کہا کہ ‘میں ممتا جی(بنرجی) کا شکرگزار ہوں کہ انہوں نے مجھے ٹی ایم سی میں جو عزت اور وقار دیا ہے۔ اب وقت آگیا ہے کہ ایک بڑے قومی مقصد کے لیے مجھے پارٹی سے الگ ہو کر اپوزیشن کے وسیع اتحاد کے لیے کام کرنا چاہیے۔ مجھے یقین ہے کہ وہ اس قدم کی منظوری دے گی۔
منگل کو اپوزیشن کی میٹنگ میں، ٹی ایم سی نے یشونت سنہا کا نام آگے بڑھایا، جسے 19 اپوزیشن جماعتوں کی حمایت حاصل ہوئی۔ میٹنگ سے پہلے سنہا نے ٹویٹ کر کے ممتا بنرجی کا شکر ادا کیا۔ ممتا بنرجی نے صدارتی انتخابات میں بی جے پی کو شکست دینے کے لیے کانگریس صدر سونیا گاندھی سمیت تمام بی جے پی مخالف پارٹیوں سے ملاقات کر چکی ہیں اور انہیں کئی پارٹیوں حمایت بھی حاصل ہوئی ہے۔
