سرینگر،22 جون :
جموں و کشمیر میں پچھلے چوبیس گھنٹوں کے دوران کورونا وائرس کے صرف 40نئے معاملات سامنے آئے ہیں جن میں 18کشمیر صوبہ سے اور 22 کا تعلق جموں صوبہ سے ہے اور اِس طرح مثبت معاملات کی کل تعداد4,54,585تک پہنچ گئی ہے۔اِسی مدت کے دوران صوبہ کشمیر سے 01 کووڈمریض کی موت واقع ہوئی ہے۔
اِسی دوران آج مزید15اَفراد شفایاب ہوئے ہیں ۔جن میں 03صوبہ کشمیر اور12 کا تعلق جموں صوبہ سے ہیں۔آج بلیگ فنگس یامیوکور مائیکوِس کا کوئی معاملہ سامنے آیا ہے ۔بلیک فنگس کی یوٹی میں تصدیق شدہ معالات کی تعداد 51ہے۔ کووڈ ویکسی نیشن کے بارے میں بلیٹن میں بتایا گیا ہے کہ گزشتہ چوبیس گھنٹوں کے دوران 5,507کووِڈ حفاظتی ٹیکے لگائے گئے ہیں جس سے ٹیکوں کی مجموعی تعداد 2,32,00,413تک پہنچ گئی ہے ۔اِس کے علاوہ جموں و کشمیر میں زائد اَز 18 برس عمر کی صد فیصد آبادی کو ٹیکے لگائے جاچکے ہیں۔
حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ اَب تک نوول کورونا وائرس کے4,54,585معاملات سامنے آئے ہیں جن میں سے 209(صوبہ جموں میں 131اور کشمیر صوبے میں78)سر گرم معاملات ہیں۔اَب تک 4,49,621اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد4,755تک پہنچ گئی ،جن میں سے 2,425کا تعلق کشمیر صوبہ سے اور2,330کاتعلق جموں صوبہ سے ہے۔
