سرینگر،27جون:
جموں و کشمیر حکومت نے پیر کو عیدالضحیٰ سے قبل قربانی کے جانوروں کے نرخ مقرر کئے۔
محکمہ امور صارفین کے ڈائریکڑ ڈاکٹر عبدالسلام کی صدارت میں منعقدہ ایک جائزہ میٹنگ میں قربانی کے جانوروں کے قیمتیں مقرر کی گئی ہیں اور یہ جموں و کشمیر مٹن لائسنسنگ اینڈ کنڑول آرڈر 1973اور 1974 کے ایس آر او 31 کے تحت طے پائی ہیں۔
ڈائریکڑ ایف سی اینڈ سی اے کے جاری کردہ نرخ نامے کے مطابق دلی والے اور میرینو کراس قسم کے بھیڑ کی قیمت زندہ فی کلو 310 روپے مقرر کی گئی ہے۔ کشمیری اور بکروالی بھیڑ کی قمیت زندہ فی کلو 295 روپے رکھی گئی۔ وہیں بکری کے گوشت کی قیمت فی کلو 285 روپے مقرر کی گئی ہے۔ واضح رہے گذشتہ برس حکام نے قربانی کے بھیڑ کی قیمت 225 روپے فی کلو مقرر کی تھی۔
