سرینگر ،27جولائی:
رامپورہ قیمو کے بعد یاری پورہ کے برایہارڈ کٹھ پورہ گائوں میں فوج و فورسز اور جنگجوؤںکے مابین مختصر گولیوںکے تبادلے میں ایک فوجی اہلکار زخمی ہو گیا جبکہ ملی ٹنٹ اندھیرے کا فائدہ اٹھا کر فرار ہونے میںکامیاب ہوگئے جس کے بعد علاقے کا آپریشن ختم کر دیا گیا ۔
تفصیلات کے مطابق کولگام کےیاری پورہ کے برایہارڈ کٹھ پورہ گائوں میں جنگجوؤںکی موجودگی کی اطلاع ملنے کے بعد فوج و فورسز اور پولیس کے خصوصی آپریشن گروپ نے بدھ کی صبح علاقے کو محاصرے میںلیا جس کے بعد وہاں تلاشی آپریشن شروع کر دیا گیا ۔ ذرائع سے معلوم ہوا ہے کہ علاقے میںکچھ وقت تک تلاشی آپریشن کے بعد شام جنگجوؤں اور سیکورٹی فورسز کا آمنا سامنا ہوا جس کے ساتھ ہی علاقے میں جھڑپ شروع ہوئی ۔جس دوران ابتدائی فائرنگ میں ایک فوجی اہلکار زخمی ہو گیا جس کو علاج کیلئے اسپتال منتقل کیا گیا ۔
ذرائع سے معلوم ہوا ہے کہ ابتدائی گولیوں کے تبادلے کے ساتھ ہی سیکورٹی فورسز کی مزید کمک علاقے میںطلب کر لی گئی جس کے بعد پورے علاقے کا محاصرہ تنگ کر دیا گیا ۔
ذرائع سے معلوم ہوا ہے کہ ابتدائی گولیوںکے تبادلے کے بعد علاقے میںخاموشی چھا گئی اور جس کے بعد سیکورٹی فورسز اور جنگجوؤں کے مابین دوبارہ کسی بھی جگہ آمنا سامنا نہیںہوا اور ممکنہ طور پر ابتدائی فائرنگ کے ساتھ ہی جنگجو جائے واردات سے فرار ہونے میںکامیاب ہو گئے ۔
معلوم ہوا ہے کہ اگرچہ علاقے میں کچھ گھنٹوں تک تلاشی آپریشن جاری رہا تاہم کسی بھی جگہ سے جنگجوؤںاور سیکورٹی فورسز کے مابین دوبارہ آمنا سامنا نہیںہوا جس کے بعد علاقے کا محاصرہ ختم کر دیا گیا ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ علاقے میں ملی ٹنٹوں اور سیکورٹی فورسز کے مابین مختصر جھڑپ ہوئی جس میں ایک فوجی اہلکار زخمی ہو گیا ۔ جس کے بعد علاقے میں تلاشی آپریشن عمل میں لایا گیا تاہم کسی بھی جگہ دوبارہ آمنا سامنا نہ ہونے کے بعد علاقے کا محاصرہ ختم کر دیا گیا ۔
