سری نگر 31جولائی:
شمالی کشمیر کے ضلع بارہمولہ کے بنر علاقے میں سیکورٹی فورسز اور جنگجووں کے مابین سنیچروار کی رات کو گولیوں کا تبادلہ ہوا ہے جس کے نتیجے میںلشکر طیبہ سے وابستہ ایک مقامی جنگجو جاں بحق ہوا ہے ۔۔
پولیس ذرائع نے بتایا کہ سیکورٹی فورسز نے مصدقہ اطلاع موصول ہونے کے بعد کولگام کےبارہمولہ کے بنر علاقے میں محاصر لے کر جنگجو مخالف آپریشن شروع کیا۔انہوں نے بتایا کہ جونہی سیکورٹی فورسز کے اہلکاروں نے مشتبہ مقام کی اورپیش قدمی شروع کی تو وہاں پر موجود جنگجووں نے حفاظتی عملے پر اندھا دھند فائرنگ شروع کی۔اْن کے مطابق سیکورٹی فورسز نے بھی پوزیشن سنبھال کر جوابی کارروائی کا آغاز کیا ۔سیکورٹی فورسز نے ایک وسیع علاقے کو محاصرے میں لے کر فرار ہونے کے سبھی راستوں پر پہرے بٹھا دئے ہیں۔
مہلوک جنگجو کی شناخت ارشاد احمد بھٹ کے طورپر کی گئی ہے،پولیس نے کہا کہ انکاؤنٹر کے مقام سے ایک اے کے رائفل، تین میگزین، 30 راؤنڈ کارتوس برآمد کئے گئے ہیں۔
