نئی دہلی، یکم اگست:
ایوی ایشن ٹربائن فیول (اے ٹی ایف) اور کمرشل ایل پی جی سلنڈر کی قیمتوں میں پیر کو کمی کی گئی۔ذرائع کے مطابق اے ٹی ایف کی قیمت میں 12 فیصد کمی کی گئی ہے جبکہ کمرشل ایل پی جی کی قیمت میں 36 روپے فی سلنڈر کی کمی کی گئی ہے۔
انڈین آئل کارپوریشن (آئی اوسی) کے ایک نوٹیفکیشن کے مطابق اے ٹی ایف کی قیمت اب نئی دہلی میں 1,21,915.57 روپے فی کلو لیٹر ہوگی۔ جبکہ کولکاتہ میں 1,28,425.21 روپے، ممبئی میں 1,20,875.86 روپے اور چنئی میں 1,26,516.29 روپے فی کلو لیٹر ہو گی۔
اس سال ایندھن کی قیمت میں یہ تیسری کمی ہے۔ اس سے قبل ان کی قیمتوں میں 16 جولائی اور 16 جون کو نظر ثانی کی گئی تھی۔ اے ٹی ایف کی قیمتوں میں ہر مہینے کی یکم اور 16 تاریخ کو نظر ثانی کی جاتی ہے۔آئی او سی کے ایک اور نوٹیفکیشن کے مطابق، ایل پی جی کمرشل گیس سلنڈر (19 کلوگرام سلنڈر) کی قیمت اب نئی دہلی میں 1976.50 روپے فی سلنڈر، کولکاتہ میں 2095.50 روپے، ممبئی میں 1936.50 اور چنئی میں 2141.00 روپے فی سلنڈر ہوگی۔
اس سے قبل کمرشل گیس سلنڈر (19 کلوگرام سلنڈر) کی قیمتوں میں فی سلنڈر 8.50 روپے کی کمی کی گئی تھی۔ مقامی ٹیکسوں کے لحاظ سے شرحیں ایک ریاست سے دوسری ریاست میں مختلف ہو سکتی ہیں۔ ملک میں ڈیزل اور پٹرول کی قیمتوں میں کوئی تبدیلی نہیں ہوئی ہے۔
