سرینگر،12اگست:
جموں و کشمیر پولیس کی سائبر ونگ نے سرینگر کے چند انسٹاگرم صارفین کی جانب سے نازیبہ ویڈیو شائع کرنے پر مقدمہ درج کیا ہے۔
پولیس نے ایک بیان میں کہا کہ انہوں سرینگر سائبر پولیس تھانے میں چند صارفین کے خلاف مقدمہ زیر نمبر 43/20220 انفارمیشن ٹیکنالوجی ایکٹ کے زیر دفعات 67، 67 اے اور 294 آئی پی سی کے تحت مقدمات درج کر کے اس معاملے کی تفتیش شروع کی ہے۔ تاہم پولیس نے ان صارفین کا نام عوام سے مخفی رکھا ہے۔
پولیس کے مطابق سائبر پولیس کشمیر نے کچھ مبینہ کشمیری لڑکیوں کے انسٹاگرام اکاؤنٹس کے خلاف قانونی کارروائی کی ہے جو پچھلے کچھ دنوں سے کشمیری زبان میں نازیبا ویڈیو شائع کر رہے تھے اور لائیو سٹریمنگ کر رہے تھے۔ انہوں نے کہا کہ سوشل میڈیا پر نازیبہ ویڈیو شائع کرنا قابلِ ادراک جرم ہے اور یہ سوشل میڈیا قانون کی خلاف ورزی ہے۔
پولیس کا کہنا ہے کہ چند صارفین فرضی انسٹاگرم اکاؤنٹس سے یہ مواد شائع کر رہے تھے اور عوامی شکایات کے بعد انہوں اس معاملے کا نوٹس لیتے ہوئے مقدمات درج کرکے مزید تحقیقات شروع کی ہے۔
