چٹان ویب ڈیسک
یورپی ملک فن لینڈ کی وزیر اعظم سانا مارین نے اپنی رہائش گاہ پر لی گئی متنازع تصویر پر معافی مانگ لی۔
رپورٹ کے مطابق گزشتہ ہفتے فن لینڈ کی 36 سالہ خاتون وزیر اعظم کی اپنی رہائش گاہ پر پارٹی کرنے کی ویڈیو منظر عام پر آنے کے بعد شدید تنقید کا سامنا تھا۔
فن لینڈ کے میڈیا میں زیر گردش تصویر میں 2 خواتین کو بوسہ کرتے ہوئے دکھایا گیا ہے، تصویر میں دیکھایا گیا تھا کہ خواتین اپنے جسم کو دیکھانے کے لیے اپنے کپڑے اوپر اٹھاتی ہیں اور اپنی چھاتیوں کو ایک سائن سے ڈھانپتی ہیں جس پر ‘فن لینڈ’ لکھا ہوا ہوتا ہے۔
سانا مارین نے تصدیق کی کہ یہ تصویر کیسرانٹا میں واقع ان کی سرکاری رہائش گاہ پر لی گئی تھی جب کہ وہ 8 سے 10 جولائی تک منعقد ہونے والے میوزک فیسٹیول میں شریک تھیں۔سانا مارین نے صحافیوں سے گفتگو کرتے ہوئے کہا کہ میں سمجھتی ہوں کہ یہ تصویر مناسب نہیں ہے، میں اس پر معذرت چاہتی ہوں، اس طرح کی تصویر نہیں لی جانی چاہیے تھی۔سانا مارین نے کہا کہ وہ شام گزارنے اور سکون حاصل کرنے کی غرض سے ہیٹ سیشن کے لیے اپنی رہائش گاہ پر اپنے دوستوں کے ہمراہ تھیں۔
یہ تصویر سب سے پہلے اس میں نظر آنے والی مس فن لینڈ مقابلے میں شریک اور سوشل میڈیا کی با اثر خاتون نے ٹک ٹاک اکاؤنٹ پر جاری کی۔فن لینڈ کے سب سے بڑے اخبار کے ایک اداریے میں اس معاملے پر کہا گیا کہ ایسا لگتا ہے کہ سانا مارین اپنے قابو میں نہیں اور ان کی نجی زندگی کی مزید ایسی متنازع تصاویر اور ویڈیوز عوامی سطح پر ان کا کردار ختم کر سکتی ہیں۔
سانا مارین گزشتہ ہفتے اس وقت دنیا بھر کے میڈیا کی شہ سرخیوں میں آگئی تھیں جب کہ ایک ویڈیو منظر عام پر آئی جس میں انہیں اپنے دوستوں اور مشہور شخصیات کے ایک گروپ کے ساتھ رقص کرتے ہوئے ایک پارٹی میں شریک دکھایا گیا تھا۔
