شوپیاں:۵۱، اکتوبر:
جنوبی کشمیر کے پہاڑی ضلع شوپیان میں مشتبہ ملی ٹنٹوںنے ایک کشمیری پنڈت کوگولیوںکانشانہ بناکر موت کی نیندسلادیا۔کشمیرزون پولیس نے اسکی تصدیق کرتے ہوئے بتایاکہ گولیاں لگنے سے زخمی ہوئے شخص پورن کرشن بھٹ کوفوری طوراسپتال منتقل کیاگیا لیکن وہ وہاں دم توڑ گیا۔
تفصیلات کے مطابق جنوبی ضلع شوپیان کے چودھری گنڈ علاقے میںہفتے کی صبح اُسوقت خوف وہراس اورتشویش کی لہر دوڑ گئی ،جب یہاں مشتبہ ملی ٹنٹوںنے ایک مقامی کشمیری پنڈت پر فائرنگ کردی ۔مقامی ذرائع نے بتایاکہ گولیاں لگنے سے پورن کرشن بھٹ ولد پورن کرشن بھٹ ساکنہ چودھری گنڈشدیدزخمی ہوگیا۔انہوںنے بتایاکہ زخمی شخص کوفوری طورپر نزدیکی اسپتال منتقل کیاگیا تاہم ڈاکٹروںنے اُسے مردہ قرار دے دیا۔کشمیر زون پولیس نے اس واقعے کے حوالے سے ایک ٹویٹ میں بتایاکہ دہشت گردوں نے ایک شہری (اقلیتی) شری پورن کرشن بھٹ پر اس وقت گولی چلائی جب وہ چودھری گنڈ شوپیاں میں باغ کی طرف جارہے تھے۔ پولیس کے مطابق اسے فوری طور پر علاج کےلئے اسپتال منتقل کیا گیا جہاں وہ دم توڑ گیا۔
کشمیر زون پولیس نے مزیدکہاکہ سیکورٹی فورسزکی جانب سے پورے علاقے کو گھیرے میں لے لیا گیا،اوروہاں حملہ آوروںکی تلاش جاری ہے۔اس دوران ڈپٹی انسپکٹر جنرل آف پولیس وسطی کشمیرسوجیت کمار، جو جنوبی کشمیر رینج کے انچارج بھی ہیں، نے ہفتے کے روز کہا کہ ابتدائی تحقیقات سے معلوم ہوا ہے کہ اس حملے کے پیچھے ایک ملی ٹنٹ کا ہاتھ تھا، جس میں شوپیان میں ایک کشمیری پنڈت مارا گیا تھا۔
ڈی آئی جی پی سوجیت کمارنے نامہ نگاروں سے بات کرتے ہوئے کہا کہ ابھی تک چیزوں پر کام کیا جا رہا ہے اور ابتدائی تفتیش میں یہ بات سامنے آئی ہے کہ ایک ملی ٹنٹ اس فعل میں ملوث تھا۔انہوں نے کہا کہ جیسے ہی چیزیں واضح ہوں گی، اس کے مطابق مزید تفصیلات شیئر کی جائیں گی تاہم فی الحال چیزوں پر کام کیا جا رہا ہے۔
سوجیت کمار نے کہاکہ اگر سیکورٹی گارڈز اور علاقے کے انچارج کسی اہلکار کی طرف سے کوئی حفاظتی کوتاہی پائی جاتی ہے، تو یقینی طور پر کارروائی کی جائے گی۔ڈپٹی انسپکٹر جنرل آف پولیس وسطی کشمیرسوجیت کمار نے یہ بھی کہا کہ اس حملے کی ذمہ داری کشمیر فریڈم فائٹر گروپ نے لی ہے، جو ایک ملی ٹنٹ تنظیم کا پراکسی نام ہے۔اُدھرڈپٹی کمشنر شوپیاں سچن کمار ویشیا نے اخباری نمائندوں سے بات کرتے ہوئے کہا کہ حکومت کی طرف سے پنڈت خاندان کو ہر طرح کی مدد فراہم کی جا رہی ہے۔انہوں نے یہ بھی کہا کہ متوفی کی لاش کو جموں بھیجا جائے گا، جہاں آخری رسومات ادا کی جائیں گی اور انتظامیہ نے اس کے لئے تمام انتظامات کر لئے ہیں۔
