سرینگر،21 اکتوبر :
جموں و کشمیر حکومت نے ایک کمیٹی کی دوبارہ تشکیل کو منظوری دے دی ہے جو ریزروڈ زمرے کے ملازمین کے لیے ٹرانسفر پالیسی کے مختلف پہلوؤں کا جائزہ لے گی۔ حکم نامے کے مطابق پرنسپل سکریٹری ہائر ایجوکیشن ڈیپارٹمنٹ کمیٹی کے چیئرمین ہوں گے جبکہ کمشنر سیکرٹری محکمہ سماجی بہبود، ڈویژنل کمشنر کشمیر، ڈویژنل کمشنر جموں، سکریٹری جنرل ایڈمنسٹریشن ڈیپارٹمنٹ، سکریٹری محکمہ قانون اور اے آر آئی اینڈ ٹریننگ ڈیپارٹمنٹ کا ایک نمائندہ شامل ہے، اس کمیٹی کے ممبر ہوں گے۔
کمیٹی ان ملازمین کے ٹرانسفر سے متعلق تمام مسائل اور اس کی پالیسی کا جائزہ لے گی۔ اس کے علاوہ کیڈر مینجمنٹ کے دیگر نتیجہ خیز پہلوؤں کا بھی جائزہ لے گی اور مقررہ وقت میں حکومت کو اپنی رپورٹ پیش کرے گی۔
