سرینگر، 28 اکتوبر:
جموں و کشمیر اور لداخ میں گزشتہ 24 گھنٹوں کے دوران موسم خشک رہا تاہم سرد ہوائیں چلنے کی وجہ سے سردی میں اضافہ جاری ہے۔ وہیں محکمہ موسمیات نے جمعہ کو جموں و کشمیر میں اگلے 24 گھنٹوں کے دوران موسم خشک رہنے کی پیشن گوئی کی ہے۔
محکمہ موسمیات کے ایک عہدیدار نے بتایا کہ آئندہ چوبیس گھنٹوں کے دوران جموں و کشمیر میں صبح کے ساتھ خشک موسم جاری رہنے کا امکان ہے۔ اس دوران سرینگر میں آج صبح کم سے کم درجہ حرارت 3.5 ڈگری سیلسیس، پہلگام میں مائنس 0.9 ڈگری اور گلمرگ میں 1.5 ڈگری ریکارڈ کیا گیا۔ لداخ خطہ میں، دراس شہر میں مائنس 5.2 ڈگری، کرگل میں مائنس 1.8 اور لیہہ میں مائنس 3.9 ڈگری ریکارڈ کیا گیا۔ جبکہ جموں میں 14.6 ڈگری، کٹرہ میں 14.2، بٹوت میں 9.3، بانہال میں 5.8 اور بھدرواہ میں 5.5 ڈگری سیلسیس درجہ حرارت ریکارڈ کیا گیا۔
