جموں، 17 نومبر:
جموں و کشمیر اور لداخ میں گزشتہ چوبیس گھنٹوں کے دوران موسم جزوی طور ابر آلودہ رہا ۔وہیں محکمہ موسمیات نے جمعرات کو اگلے 24 گھنٹوں کے دوران جموں و کشمیر میں بنیادی طور پر صاف سے جزوی طور پر ابر آلود آسمان کے ساتھ خشک موسم کی پیش گوئی کی ہے۔ایک اہلکار نے کہا کہ جموں و کشمیر میں موسم خشک رہنے کا امکان ہے ۔
اس دوران سرینگر میں آج صبح کم سے کم درجہ حرارت 1.2 ڈگری سیلسیس، پہلگام میں منفی 3.4 اور گلمرگ میں منفی 3.6 ڈگری سیلسیس ریکارڈ کیا گیا۔لداخ خطہ کے دراس قصبے میں منفی 12.2 ڈگری سیلسیس اور لیہہ میں منفی 9 درجہ حرارت ریکارڈ کیا گیا۔ جب کہ جموں میں کم سے کم درجہ حرارت 10.7 ڈگری سیلسیس ، کٹرا میں 10.6، بٹوت 4، بانہال میں 4.8 اور بھدرواہ میں 1.6 ڈگری سیلسیس درج کیا گیا ۔
