جموں 30 نومبر :
لیفٹیننٹ گورنر منوج سنہا نے آج سول سیکرٹریٹ میں پردھان منتری آواس یوجنا گرامین کے تحت 35097 مستفدین کے بینک کھاتوں میں براہ راست 149.17 کروڑ روپے منتقل کئے ۔
لیفٹیننٹ گورنر نے کہا کہ پی ایم اے وائی ۔ جی استفادہ کنندگان کے ’ پکے گھر ‘ کے خواب کو بنیادی سہولیات کے ساتھ پورا کرے گا ، ان کی عزت نفس ، سماجی حیثیت اور معیار زندگی کو فروغ دے گا ۔
اس بات پر روشنی ڈالتے ہوئے کہ غریب اور کمزور طبقے کی فلاح و بہبود یو ٹی انتظامیہ کی اولین ترجیح ہے لفٹینٹ گورنر نے کہا کہ پی ایم اے وائی ۔ جی حقیقی طور پر بے گھر افراد ، خستہ حال مکانوں میں رہنے والوں اور کمزور گروہوں سے تعلق رکھنے والی خواتین اور گھرانوں کی ایک بڑی تعداد کو فائدہ پہنچاتا ہے ۔ انہوں نے مزید کہا کہ بنیادی ضروریات کی امداد دیہی ترقی کو تحریک دے گی اور غریب ترین افراد کو بااختیار بنائے گی ۔
عزت مآب وزیر اعظم جناب نریندر مودی جی کی قیادت میں پی ایم اے وائی ۔ جی جیسی فلاحی اسکیموں نے لوگوں کی زندگیوں کو بدل دیا ہے ۔ لفٹینٹ گورنر نے کہا کہ ہمارا مقصد ایک مضبوط اور خوشحال دیہی جموں و کشمیر کی تعمیر ہے ۔
لیفٹیننٹ گورنر نے مزید کہا کہ پالیسیوں اور نفاز کے درمیان خلاءکو پُر کرنے کیلئے سرشار کوششیں کی جا رہی ہیں ۔ انہوں نے مزید کہا کہ بجلی ، بیت الخلاء، پینے کا پانی ، ایل پی جی کنیکشن اور پی ایم اے وائی ۔ جی گھروں کیلئے دیگر سہولیات جیسی بنیادی ضروریات کو دیگر سرکاری اسکیموں کے ذریعے پورا کیا جا رہا ہے ۔
لیفٹیننٹ گورنر نے فلاحی اسکیموںکے موثر نفاذ کیلئے درست اعداد و شمار مرتب کرنے میں محکمہ دیہی ترقیات اور ڈپٹی کمشنروں کے اہم کردار پر بھی روشنی ڈالی ۔
چیف سیکرٹری ڈاکٹر ارون کمار مہتا نے پی ایم اے وائی ۔ جی کے رہ جانے والے اہل مستفدین کا حقیقت پسندانہ ڈیٹا اکٹھا کرنے پر زور دیا جس کے بعد ’ سب کیلئے مکان ‘ کے ہدف کو حاصل کرنے کیلئے اصلاحی اقدامات کئے جائیں ۔ انہوں نے ضلعی انتظامیہ سے مزید کہا کہ وہ اسکیم کے تحت فراہم کئے جانے والے مکانات کا ضلع وار کمپنڈیم بنائیں ۔ کمشنر سیکرٹری محکمہ دیہی ترقی اور پنچائتی راج محترمہ مندیپ کور نے لفٹینٹ گورنر کو پی ایم اے وائی اور آواس پلس کے اہداف اور آج تک کی کامیابیوں سے آگاہ کیا ۔ اس موقع پر لفٹینٹ گورنر نے پی ایم اے وائی۔ جی کے 20 مستفدین کو 50 ہزار روپے کے چیکس حوالے کئے ۔ مشن ڈائریکٹر جے کے آر ایل ایم محترمہ اندو کنول چب ، ڈائریکٹر رورل سینی ٹیشن جے اینڈ کے ایس چرندیپ سنگھ ، محکموں کے سربراہ ، سول سیکرٹریٹ میں سینئر افسران اور مستحقین موجود تھے ۔ مختلف عہدیداروں اور استفادہ کنندگان کو بھی ورچوئل موڈ کے ذریعے مربوط کیا گیا تھا ۔
