سرینگر/یکم دسمبر
وادی کشمیر میں شدید سردیوں کی لہر کے بیچ محکمہ موسمیات نے پیشگوئی کی ہے کہ 10دسمبر تک موسمی صورتحال میں کسی بھی قسم کی تبدیلی نہ آنے کا امکان ہے جس کے نتیجے میں شبانہ سردیوں میں اضافہ ہو سکتا ہے ۔ محکمہ موسمیات کے ڈائریکٹر سونم لوٹس نے کہا کہ پیشنگوئی کے مطابق 10 دسمبر تک کسی قسم کی بارش کا کوئی امکان نہیں ہے۔
انہوں نے کہا کہ خشک موسم کی پیش گوئی کے درمیان وادی میں درجہ حرارت مزید نیچے جائے گا۔سونم لوٹس نے مزید کہا کہ سردیوں میں اضافہ کے باعث سردیوںسے بچنے کیلئے لوگوں کو گرامی دینے کے آلات احتیاط سے استعمال کرنے کی ضرورت ہے تاکہ کوئی حادثہ نہ رونما ہو جبکہ ساتھ ہی انہوں نے کہا کہ گرامی دینے کے آلات کو استعمال کرتے وقت کمرے میں مناسب وینٹی لیشن کو یقینی بنایا جائے کیونکہ ان آلات کے زیادہ استعمال سے انسانی زندگی کو خطرہ لاحق ہو سکتا ہے ۔
