سری نگر :12،فروری :
کانگریس لیڈر راہول گاندھی نے اتوار کو جموں و کشمیر میں جاری تجاوزات کے خلاف مہم پر بی جے پی پر حملہ کرتے ہوئے کہا کہ مرکز کے زیر انتظام علاقہ روزگار، بہتر کاروبار اور محبت چاہتا ہے لیکن اس کے بجائے اسے ’’بی جے پی کا بلڈوزر‘‘ مل گیا۔
کے این ایس کے مطابق کانگریس، نیشنل کانفرنس اور پی ڈی پی جیسی بڑی سیاسی جماعتوں نے اس مہم کے خلاف اپنے تحفظات کا اظہار کیا ہے اور اسے فوری طور پر ختم کرنے کا مطالبہ کیا ہے۔کمشنر سکریٹری، محکمہ ریونیو، وجے کمار بدھوری کی طرف سے تمام ڈپٹی کمشنروں کو ہدایت دی گئی کہ وہ تجاوزات کو 100 فیصد ہٹانے کو یقینی بنائیں کے بعد حکام نے اب تک جموں و کشمیر میں 10 لاکھ کنال (ایک کنال 605مربع گز) سے زیادہ اراضی واپس حاصل کی ہے۔
7جنوری کو سرکاری زمین۔ہندی میں ایک ٹویٹ میں گاندھی نے کہا، "جموں و کشمیر روزگار، بہتر کاروبار اور محبت چاہتے تھے، لیکن انہیں کیا ملا؟ بی جے پی کا بلڈوزر!کانگریس کے سابق سربراہ نے کہا کہ جس زمین کو لوگوں نے کئی دہائیوں تک اپنی محنت سے پالا تھا، وہ ان سے چھینی جا رہی ہے۔انہوں نے کہا کہ امن اور کشمیریت کا تحفظ لوگوں کو تقسیم کرنے سے نہیں بلکہ متحد ہونے سے کیا جائے گا۔گاندھی نے ایک میڈیا رپورٹ کو بھی ٹیگ کیا جس میں دعویٰ کیا گیا تھا کہ بے دخلی مہم نے جموں و کشمیر میں خوف و ہراس پھیلا دیا ہے۔
