سرینگر 04 مارچ:
جموں وکشمیر پولیس نے پونچھ میں نارکو ملی ٹینسی کے ایک بڑے نیٹ ورک کا پردہ فاش کرتے ہوئے رہائشی مکان کی تلاشی کے دوران سات کلو ہیروئن، 15ہزار امریکی ڈالی اور نقدی 2.30کروڑ روپیہ کی رقم ضبط کی ہے۔ یو پی آئی کے مطابق ایڈیشنل ڈائریکٹر جنرل آف پولیس مکیش سنگھ نے بتایا کہ سیکورٹی فورسز نے مصدقہ اطلاع موصول ہونے کے بعد پونچھ کے ڈونہ ڈویاں علاقے میں رہائشی مکان پر چھاپہ مارا۔
انہوں نے کہاکہ رہائشی مکان کی تلاشی کے دوران سات کلو ہیروئن، دو کروڑ 30لاکھ روپیہ نقدی ، 15ہزار امریکی ڈالر یک پستول، دس پستول گولیوں کے راونڈ اور ایس ایل آر رائفل کے سات روانڈ بھی برآمد کرکے ضبط کئے۔پولیس کے مطابق محمد رفیع عرف رفیع لالہ کے گھر پر چھاپہ مارا گیا۔
انہوں نے کہا کہ محمد رفیع پر24 فروری کے روز پبلک سیفٹی ایکٹ عائد کیا گیا اور اس کے خلاف پونچھ اضلاع کے مختلف پولیس تھانوں میں مقدمات درج ہیں۔ذرائع نے بتایا کہ رہائشی مکان کی تلاشی ہنوز جاری ہے جبکہ منشیات فروش کے بین ریاستی نیٹ ورک کے ساتھ رابطے ہونے کے بارے میں بھی جانچ پڑتال شروع کی گی ہے۔
