سرینگر/06 مارچ:
جموں و کشمیر حکومت نے دو آئی اے ایس افسران کے تبادلے اور تعیناتی کا حکم دیا۔ایک حکم کے مطابق ڈاکٹر مندیپ کمار بھنڈاری، IAS جو کہ ایڈجسٹمنٹ کے احکامات کا انتظار کر رہے ہیںکو لیفٹیننٹ گورنر کے پرنسپل سیکرٹری کے طور پر تعینات کیا گیا ہے۔
حکم میں کہا گیا ہے کہ وہ اپنے فرائض کے علاوہ چیف ایگزیکٹیو آفیسر، شری امرناتھ جی شرائن بورڈ کے عہدے کا چارج بھی سنبھالیں گے۔اسی طرح ڈاکٹر سید عابد رشید شاہ، IAS انتظامی سیکرٹری، محکمہ ثقافت، جو چیف ایگزیکٹو آفیسر، اکنامک ری کنسٹرکشن ایجنسی، کے اضافی چارج پر فائز ہیں، کو تبدیل کر کے انتظامی سیکرٹری، محکمہ سیاحت کے عہدے پر تعینات کیا گیا ہے۔
سرمد حفیظ، IAS کو پوسٹ کے اضافی چارج سے فارغ کر دیا گیا ہے۔حکمنامہ میں لکھا ہے کہ وہ اگلے احکامات تک اپنی ذمہ داریوں کے علاوہ، انتظامی سیکرٹری، محکمہ ثقافت اور چیف ایگزیکٹو آفیسر، اکنامک ری کنسٹرکشن ایجنسی، کا چارج بھی سنبھالیں گے۔
