جموں ۔ 24؍ مئی:
آفتاب ملک، چیئرمین، ضلع ترقیاتی کونسل سری نگر نے آج راج بھون میں لیفٹیننٹ گورنر جناب منوج سنہا سے ملاقات کی۔ڈی ڈی سی چیئرمین نے لیفٹیننٹ گورنر کو مختلف ترقیاتی کاموں سے متعلق مطالبات کی ایک یادداشت پیش کی۔ لیفٹیننٹ گورنر نے انہیں میرٹ پر حقیقی مطالبات کے مناسب ازالے کا یقین دلایا۔
نیشنل انسٹی ٹیوٹ آف ٹیکنالوجی (این آئی ٹی) سری نگر کے ڈائریکٹر ڈاکٹر سدھاکر یدلا نے لیفٹیننٹ گورنر کے ساتھ پریمیئر تعلیمی ادارے کے ہموار اور موثر کام سے متعلق مختلف امور پر تبادلہ خیال کیا جس میں طلباء کے لیے بنیادی ڈھانچے کی ترقی اور این آئی ٹی سری نگر کے نئے کیمپس کے لیے زمین کی تقسیم شامل تھی۔لیفٹیننٹ گورنر نے ڈائریکٹر این آئی ٹی کو طلباء کی تعلیمی بہتری اور فلاح و بہبود کو آگے بڑھانے میں ہر طرح کے تعاون اور مدد کا یقین دلایا۔
