سری نگر/ جموں و کشمیر پولیس ہاؤسنگ کارپوریشن (جے کے پی ایچ سی) کے بورڈ آف ڈائریکٹرز کا 49 واں اجلاس پولیس ہیڈ کوارٹر میں ڈائریکٹر جنرل آف پولیس، جموں و کشمیر، دلباغ سنگھ کی صدارت میں منعقد ہوا جو جے اینڈ کے پولیس ہاؤسنگ کارپوریشن کے چیئرمین بھی ہیں۔
میٹنگ میں منیجنگ ڈائریکٹر پولیس ہاؤسنگ کارپوریشن، شری دیپک کمار، اے ڈی جی پی ہیڈ کوارٹر پی ایچ کیو ایم کے سنہا، اے ڈی جی پی کشمیر زون وجے کمار، چیف انجینئر پی ڈبلیو (آر اینڈ بی) کشمیر رفیق احمد رفیق، ایس پی ایل سیکی محکمہ قانون، انصاف اور پارلیمانی امور جموں و کشمیر عبدالرشید فیاض، ڈی جی پلاننگ پرویز سجاد ککرو، ڈی آئی اے، ڈائریکٹر ہیڈکوارٹر ہیلتھ سروسز ڈاکٹر عبدالرؤف اور ایڈیشنل سمیت مختلف افسران بھی موجود تھے۔
اپنے استقبالیہ خطاب میں پولیس ہاؤسنگ کارپوریشن کے منیجنگ ڈائریکٹر دیپک کمار نے کارپوریشن کے چیئر اور بورڈ ممبران کے سامنے ایجنڈا کے نکات پیش کیے اور میٹنگ کے دوران ایجنڈے کے ہر نکتے پر تفصیلی رپورٹ دی۔
ایجنڈے کے ہر نکتے پر گہری بحث ہوئی اور اگلے ایجنڈا پوائنٹ پر جانے سے پہلے بورڈ کے ہر ممبر سے اتفاق رائے طلب کیا گیا۔ ایم ڈی پی ایچ سی نے اس موقع پر مختلف تجاویز بھی پیش کیں۔ایجنڈے کے مختلف نکات پر بات چیت کے آغاز پر، جنوری 2023 کے مہینے میں منعقدہ بورڈز کے 48 ویں اجلاس کے فیصلوں پر کارروائی کی رپورٹ پر اتفاق رائے سے کیا گیا۔
