جموں، 26 جولائی : جموں کے بھگوتی نگر بیس کیمپ سے شری امرناتھ جی یاترا کے لئے یاتریوں کے کشمیر روانہ ہونے کا سلسلہ تواتر کے ساتھ جاری ہے اور یاتریوں میں جوش و خروش بھی برابر قائم ہے۔
سرکاری ذرائع کے مطابق بھگوتی نگر بیس کیمپ سے بدھ کی صبح 2 ہزار 3 سو 72 یاتریوں پر مشتمل 24 واں جھتا کشمیر کے لئے روانہ ہوا جن میں 1955 مرد، 397 خواتین، 6 بچے، 51 سادھو اور 3 سادھویں شامل تھیں۔
انہوں نے کہا کہ یاتریوں کا یہ جھتا 103 چھوٹی بڑی گاڑیوں میں سخت سیکورٹی بندوبست کے بیچ بالتل اور ننون پہلگام بیس کیمپوں کے لئے روانہ ہوا۔
ان کا کہنا تھا کہ بالتل بیس کیمپ کے لئے 33 گاڑیوں میں 671 یاتری روانہ ہوئے جبکہ ننون پہلگام بیس کیمپ کے لئے 70 گاڑیوں میں 1701 یاتری روانہ ہوئے۔
یکم جولائی سے شروع ہونے والی اس یاترا کے دوران اب تک قریب ساڑھے تین لاکھ یاتریوں نے پوتر گھپا کا درشن کیا ہے۔
62 دنوں پر محیط یہ یاترا 31 اگست کو شرون پورنیما کے متبرک موقع پر اختتام پذیر ہوگی۔
