جموں، 27اگست:
جموں وکشمیر کی سرمائی راجدھانی جموں کے سبھاش نگر علاقے میں لوگوں نے اتوار کے روز احتجاج کیا ۔
اطلاعات کے مطابق اسمارٹ میٹروں کو نصب کرنے کے خلاف جموں کے سبھاش نگر علاقے میں مرد و زن نے سڑکوں پر آکر احتجاج کیا جس دوران لوگ محکمہ کے خلاف نعرے بازی کر رہے تھے۔
مظاہرین نے بتایا کہ موجودہ دور میں وہ میٹروں کے حساب سے بجلی فیس ادا کرنے سے قاصر ہے۔انہوں نے کہاکہ چونکہ علاقے میں اکثر کنبے غریبی کی سطح سے نیچے زندگی گزر بسر کر رہے ہیں لہذا انتظامیہ کو اس کی اور بھی توجہ مبذول کرنی چاہئے۔
ایک خاتون نے بتایا کہ حکومت ہمارے بچوں کو بھی سرکاری نوکریاں فراہم کریں ہم خوشی خوشی بجلی میٹر نصب کر نے کی اجازت دیں گے۔انہوں نے کہاکہ ہمارے پڑھے لکھے بچے گھروں میں بیکار پڑے ہوئے ہیں۔
ان کے مطابق حکومت کو اس سنگین مسئلے کی اور توجہ مبذول کرنی چاہئے اور ان لوگوں کو مستثنیٰ رکھا جائے جو غریبی کی سطح سے نیچے زندگی گزر بسر کر رہے ہیں۔ایک مقامی خاتون نے بتایا کہ ماہانہ بجلی فیس میں اضافہ کرنے میں انہیں کوئی حرج نہیں لیکن میٹرز کو نصب نہ کیا جائے کیونکہ وہ اس پوزیشن میں نہیں کہ میٹرز کے حساب سے ماہانہ بجلی فیس ادا کر سکے۔
