سری نگر: شمالی کشمیر کے ضلع بارہمولہ کے قصبہ اوڑی کے ہتھلنگہ علاقے میں سیکورٹی فورسز اور ملی ٹنٹوں کے درمیان جاری تصادم آرائی میں ایک اور ملی ٹنٹ مارا گیا جس کے ساتھ مہلوک ملی ٹنٹوں کی تعداد 2 ہوگئی۔
پولیس کے مطابق علاقے میں تلاشی آپریشن ہنوز جاری ہے۔
کشمیر زون پولیس نے ٹویٹ کرکے کہا: ‘بارہمولہ انکائونٹر اپ ڈیٹ: ایک اور دہشت گرد مارا گیا، کلا تعداد 2 ہوگئی’۔
انہوں نے کہا کہ علاقے میں تلاشی آپریشن ہنوز جاری ہے۔
قبل ازیں پولیس ذرائع نے بتایا کہ سیکورٹی فورسز نے مذکورہ علاقے کو محاصرے میں لے کر تلاشی آپریشن شروع کر دیا۔
انہوں نے بتایا کہ اس دوران جوں ہی ایک تلاشی پارٹی مشتبہ مقام کے نزدیک پہنچی تو وہاں چھپے ملی ٹنٹوں نے اس پر اندھا دھند فائرنگ کی جس کے نتیجے میں طرفین کے درمیان تصادم چھڑ گیا۔
