جموں /12 ؍دسمبر:لیفٹیننٹ گورنر منوج سِنہا نے آج جموں یونیورسٹی میں جنرل زورآور سنگھ کے مجسمے کی نقاب کشائی کی اور عظیم واریر اور فوجی ذہانت کو اُن کے یوم شہادت پر خراجِ عقیدت پیش کیا۔اُنہوں نے جموں یونیورسٹی میں جنرل زورآور سنگھ کی یاد میں ایک چیئر قائم کرنے کے حکومت کے فیصلے کا اعلان کیا۔ اُنہوں نے کہا کہ یہ کوشش طالب علموں اور محققین کو ایک مضبوط اورخوشحال جموں و کشمیر کی تعمیر کے لئے حوصلہ افزائی کرے گا جس کا خواب جنرل زورآو
ر سنگھ نے دیکھا تھا۔
لیفٹیننٹ گورنر نے جنرل زورآور سنگھ میموریل ایجوکیشنل اینڈ چیئری ٹیبل ٹرسٹ اور جموںوکشمیرایکس سروسز لیگ کی طرف سے منعقدہ یادگاری تقریب میں شرکت کی اور ہندوستان کی تاریخ میں جنرل زورآور سنگھ کی خدمات کو اُجاگر کرنے کی ان کی کوششوں کی ستائش کی۔اُنہوں نے یو ٹی انتظامیہ کے اس عزم کا اعادہ کیا کہ وہ جموں و کشمیر کے لازوال ہیروں کی بہادری اور قربانی کا احترام کرے گی۔
لیفٹیننٹ گورنر نے کہا ،’’ جنرل زورآور سنگھ، بریگیڈیئر راجندر سنگھ اورمقبول شیروانی جیسی عظیم شخصیات کی تاریخ جموں و کشمیر کے سکولوں میں طالب علموںکو پڑھائی جائے گی۔ اُن کی زندگی، ہمت، فتح حب الوطنی، نظم و ضبط، خود اعتمادی کا سبق ہے اور یہ طلباء کو ہندوستان کو ایک ترقی یافتہ ملک بنانے کے مقصد کو حاصل کرنے کی ترغیب دے گا۔‘‘ اُنہوں نے جموںوکشمیر اکیڈمی آف آرٹ، کلچر اینڈ لینگویجز کو ہدایت دی کہ وہ تامل زبان میں جنرل زورآور سنگھ کی زندگی پر ایک مونوگراف تیار کرے۔
لیفٹیننٹ گورنر نے کہا کہ قومی یکجہتی اور سا لمیت کو برقرار رکھنا اور اس کی حفاظت کرنا ہر شہری کا فرض ہے۔ نوجوان نسل کو ان عظیم رہنماؤں کے لائق وارث بننے کی کوشش کرنی چاہیے جنہوں نے ملک کی نئی تقدیر کی تعمیر کے لئے جدوجہد اور قربانیاں دیں۔ اُنہوں نے کہا کہ ان نظریات، اَقدار اور تہذیبی طاقت سے ہمیں ایک روشن مستقبل کی تعمیر پر توجہ مرکوز کرنی چاہئے۔میجر جنرل گووردھن سنگھ جموال (ریٹائرڈ)، لیفٹیننٹ جنرل آر کے شرما (ریٹائرڈ) اور ٹھاکر گلچین سنگھ چرک، سابق وزیر نے بھی اس موقع پر خطاب کیا۔
اِس موقعہ پر پر میجر جنرل (ریٹائرڈ) گووردھن سنگھ جموال، لیفٹیننٹ جنرل (ریٹائرڈ) آر کے شرما اور سابق وزیر ٹھاکر گل چین سنگھ چاڈک نے بھی خطاب کیا۔
اِس موقعہ پرصدر گاندھی گلوبل فیملی پدم شری ایس پی ورما، وائس چانسلر جموں یونیورسٹی پروفیسر امیش رائے، صوبائی کمشنر جموںرمیش کمار، آئی جی پی جموںآنند جین، چیئرمین جنرل زور آور سنگھ میموریل ٹرسٹ دیویندر سنگھ کلوریا، اور ٹرسٹیز محترمہ ریا کلوریہ اور دکشا کلوریا،معززشہری اور طلبأ کی کثیر تعداد نے شرکت کی۔
