سرینگر/27مارچ/وی او آئی//لوک سبھا انتخابات کے دوسرے مرحلے کیلئے نوٹفکیشن جمعرات کو جاری کی جائے گی اور دوسرے مرحلے کے تحت 12ریاستوں مرکز کے زیر انتظام علاقوں کیلئے نوٹفکیشن جاری ہوگی ۔
دوسرے مرحلے کے تحت 88لوک سبھا سیٹوں کیلئے انتخابات ہوں گے ۔ادھر لوک سبھا انتخابات کے پہلے مرحلے کے لیے کاغذات نامزدگی داخل کرنے کی آخری تاریخ بدھ کو ختم ہوگئی ۔جبکہ ادھم پور-ڈوڈا سیٹ کے لیے اب تک سات امیدواروں نے اپنے کاغذات نامزدگی داخل کیے ہیں۔17 ریاستوں اور چار مرکز کے زیر انتظام علاقوں کی 102 لوک سبھا سیٹوں کے لیے پہلے مرحلے میں 19 اپریل کو ادھم پور سیٹ پر انتخابات ہوں گے۔ وائس آف انڈیا کے مطابق لوک سبھا انتخابات کے دوسرے مرحلے کا نوٹیفکیشن کل جاری کیا جائے گا۔
اس مرحلے میں 12 ریاستوں اور مرکز کے زیر انتظام علاقوں کی 88 لوک سبھا سیٹوں کے ساتھ ساتھ بیرونی منی پور کی ایک سیٹ پر انتخابات ہوں گے۔ کیرالہ کی 20 سیٹیں، کرناٹک کی 14 سیٹیں، راجستھان کی 13 سیٹیں، اتر پردیش اور مہاراشٹر کی آٹھ سیٹیں، مدھیہ پردیش کی سات سیٹیں، آسام اور بہار کی پانچ سیٹیں، مغربی بنگال اور چھتیس گڑھ کی تین تین سیٹیں اور ایک ایک سیٹ پر اس پہلے مرحلے میں منی پور، تریپورہ اور جموں و کشمیر میں انتخابات ہوں گے۔کاغذات نامزدگی 4 اپریل تک داخل کیے جاسکتے ہیں۔ اس مرحلے کے لیے ووٹنگ 26 اپریل کو ہوگی۔ جموں و کشمیر کے علاوہ تمام ریاستوں اور مرکز کے زیر انتظام علاقوں میں نامزدگیوں کی جانچ 5 اپریل کو کی جائے گی۔ جموں و کشمیر میں جانچ پڑتال 6 اپریل کو ہوگی۔
دریں اثناء لوک سبھا انتخابات کے پہلے مرحلے کے لیے کاغذات نامزدگی داخل کرنے کی آخری تاریخ آج ختم ہوگئی ہے ۔ جبکہ ادھم پور-ڈوڈہ سیٹ کے لیے اب تک سات امیدواروں نے اپنے کاغذات نامزدگی داخل کیے ہیں۔17 ریاستوں اور چار مرکز کے زیر انتظام علاقوں کی 102 لوک سبھا سیٹوں کے لیے پہلے مرحلے میں 19 اپریل کو ادھم پور سیٹ پر انتخابات ہوں گے۔ذرائع کے مطابق اب تک سات امیدواروں نے بی جے پی کے مرکزی وزیر ڈاکٹر جتیندر سنگھ اور ڈیموکریٹک پروگریسو آزاد پارٹی کے سابق وزیر جی ایم سروڑی شامل ہیں۔ کانگریس امیدوار چودھری لال سنگھ نے آج پرچہ نامزدگی داخل کئے ہیں۔کاغذات نامزدگی کی جانچ پڑتال کل ہوگی اور کاغذات نامزدگی واپس لینے کی آخری تاریخ 30 مارچ ہے۔