چنئی:مرکزی وزیر دفاع راج ناتھ سنگھ نے پیر کے روز زور دے کر کہا کہ شہریت (ترمیمی( ایکٹ کے نفاذ سے کوئی بھی ہندوستانی، خواہ وہ کسی بھی مذہب سے تعلق رکھتا ہو، شہریت سے محروم نہیں ہوگا۔انہوں نے حزب اختلاف کانگریس اور ڈی ایم کے پر اس معاملے پر’’کنفیوژن پیدا کرنے‘‘ کا الزام لگایا۔انہوں نے کہا کہ بی جے پی نے ہمیشہ اپنے وعدے پر عمل کیا اور ایودھیا میں رام مندر کی تعمیر، آرٹیکل 370 کی منسوخی اور سی اے اے اس طرح کی یقین دہانیاں تھیں۔ انہوں نے مزید کہا کہ ہم نے شہریت ایکٹ کا وعدہ کیا تھا، اور ہم نے اسے کر دکھایا۔ میں واضح کرنا چاہتا ہوں کہ ہندوستان کا کوئی بھی شہری خواہ وہ ہندو ہو، مسلم ہو، عیسائی ہو، پارسی ہو یا یہودی ہو، کسی کی شہریت نہیں جائے گی ‘ ‘۔انہوں نے الزام لگایا، ‘ ‘ڈی ایم کے اور کانگریس اس معاملے پر الجھن پیدا کر رہے ہیں۔طلاق ثلاثہ کے خاتمے پر انہوں نے کہا کہ کسی بھی مذہب سے تعلق رکھنے والی مائیں اور بہنیں ہماری مائیں بہنیں ہیں۔
بی جے پی کے قول و فعل میں کوئی فرق نہیں تھا اور یہ رام مندر سمیت وعدوں کے نفاذ کی صورت میں ظاہر ہوا۔رام للا اپنی جھونپڑی چھوڑ کر اپنے محل پہنچے ہیں۔انہوں نے جنوری میں اس شرائنکے بارے میں کہا، جس میں وزیر اعظم نریندر مودی نے شرکت کی تھی۔پی ایم مودی کی قیادت میں ملک نے معیشت اور دفاع سمیت دیگر شعبوں میں تیزی سے ترقی کی ہے۔’’بھارت اب کمزور ملک نہیں رہا۔ وزیر دفاع کی حیثیت سے میں کہنا چاہتا ہوں- ہمیں ملک کی فوج، فضائیہ اور بحریہ پر بھرپور اعتماد ہے۔ اگر کوئی ایک پلک بھی مارتا ہے، تو ہماری فوج انہیں مناسب جواب دینے کے لیے تیار ہے۔انہوں نے کہا کہ وہ دن گئے جب ہندوستان اپنی دفاعی ضروریات کو پورا کرنے کے لیے درآمدات پر انحصار کرتا تھا اور آج ملک میں لڑاکا طیاروں سمیت سب کچھ بنتا ہے۔این ڈی اے حکومت کی طرف سے عوامی بہبود کو بھی انتہائی اہمیت دی جا رہی تھی اور کسانوں کی مدد، بیت الخلاء کی تعمیر جیسے مختلف اقدامات اس کی مثالیں ہیں۔
