اونتی پورہ: جموں و کشمیر میں پولیس نے اونتی پورہ میں عسکریت پسندوں کے ایک ماڈیول کا پردہ فاش کیا۔ اوتی پورہ پولیس نے عسکریت پسندوں کے 6 معاونین کو گرفتار کرکے ان کے قبضہ سے آئی ای ڈیز، اسلحہ و گولہ بارود برآمد کرلیا۔ گرفتار کئے گئے عسکریت پسندوں کے 6 معاونین سے پوچھ گچھ کی گئی جس کی بنیاد پر اسلحہ، گولہ بارود اور دھماکہ خیز مواد کا بڑا ذخیرہ برآمد کیا گیا ہے۔
اونتی پورہ پولیس کو ایک خفیہ اطلاع ملی تھی کہ جی ای ایم تنظیم سے تعلق رکھنے والا ایک عسکریت پسند جو فی الحال پاکستان میں مقیم ہے، کشمیری نوجوانوں کو گروپ میں شامل ہونے کی ترغیب دے رہا ہے اور انہیں عسکری کاروائیوں کےلئے ٹریننگ و مواد پہچانے کا منصوبہ بنارہا ہے۔ اس اطلاع کی بنیاد پر پولس تھانہ ترال میں مقدمہ درج کیا گیا۔ تحقیقات کے دوران اس ماڈیول میں شامل افراد کی نشاندہی کی گئی۔ یہ انکشاف ہوا ہے کہ پاکستان میں مقیم عسکریت پسند نے جیل میں اوور گراؤنڈ ورکر کی مدد سے اونتی پورہ اور کولگام ضلع کے ترال علاقے میں کئی نوجوانوں کی شناخت کی تھی جنہیں عسکریت پسندوں کی صفوں میں شامل ہونے کی ترغیب دی گئی تھی۔
تاہم پولیس نے بروقت کاروائی کرتے ہوئے ان چھ عسکری معاونین کو گرفتار کرکے ایک بڑی کامیابی حاصل کی ہے اور اس حوالے سے ترال پولیس اسٹیشن میں ایف آئی آر درج کرکے تحقیات شروع کردی ہے۔
