سری نگر،27 مئی:
وادی کشمیر میں گذشتہ شام ہونے والی بارشوں اور تیز ہواؤں سے شبانہ درجہ حرارت میں ایک بار پھر گراوٹ درج ہوئی ہے۔
محکمہ موسمیات کے ایک ترجمان کی پیش گوئی کے مطابق وادی میں اگلے چوبیس گھنٹوں کے دوران موسم مجموعی طور پر خشک رہنے کا امکان ہے۔
انہوں نے کہا کہ وادی میں ماہ رواں کے آخر تک موسم مجموعی طور پر خشک رہ سکتا ہے تاہم اس دوران 29 اور 30 مئی کو مطلع ابر آلود رہنے کا امکان ہے اور اس دوران کہیں کہیں ہلکی بارشیں بھی متوقع ہیں۔
وادی میں گذشتہ شام بارشیں ابھی ہوئیں ور بعض علاقوں میں ژالہ باری کے ساتھ ساتھ تیز ہوائیں بھی چلیں جس سے شبانہ درجہ حرارت میں گراوٹ درج کی گئی۔
گرمائی دارلحکومت سری نگر میں 1.0 ملی میٹر ریکارڈ کی گئی جبکہ کم سے کم درجہ حرارت 13.6 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے1.4 ڈگری سینٹی گریڈ کم ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حرارت8.0 ڈگری سینٹی گرہڈ ریکارڈ کیا گیا جو گذشتہ شب کے درجہ حرارت سے0.6 ڈگری سینٹی گریڈ زیادہ ریکارڈ ہوا تھا۔
وادی کے دوسرے مشہور سیاحتی مقام پہلگام میں میں 2.1 ملی میٹر بارش ریکارڈ کی گئی جبکہ کم سے کم درجہ حرارت6.7 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے1.2 ڈگری سینٹی گریڈ کم ریکارڈ ہوا تھا۔
سرحدی ضلع کپوارہ میں 1.2 ملی میٹر بارش ریکارڈ کی گئی جبکہ کم سے کم سے درجہ حرارت11.8 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے 0.5 ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں 1.6 ملی میٹر بارش ریکارڈ کی گئی جبکہ کم سے کم درجہ حرارت10.6 ڈگری سینٹی گریڈ ریکارڈ کیا گیا جو گذشتہ شب کے کم سے کم درجہ حرارت سے 3.8 ڈگری سینٹی گریڈ ککم ریکارڈ ہوا تھا۔ (یو این آئی)
