سری نگر،18جون:
وادی کشمیر کو ملک کے باقی حصوں کے ساتھ جوڑنے والی 270 کلو میٹر طویل سری نگر- جموں قومی شاہراہ پر چٹانیں کھسک آنے کی وجہ سے شاہراہ کو ٹریفک کی آمدورفت کے لئے بند کردیا گیا ہے۔
ذرائع نے بتایا کہ موسلا دھار بارشوں کے نتیجے میں قومی شاہراہ پر سرمولی اُدھم پور کے نزدیک بھاری چٹانیں کھسک آئی جس وجہ سے شاہراہ کو ٹریفک کی آمدورفت کے لئے بند کردیا گیا ۔
معلو م ہوا ہے کہ چٹانیں کھسکنے کی وجہ سے نصف درجن کے قریب گاڑیوں کے شیشے بھی چکنا چور ہو ئے ہیں۔
سرکاری ذرائع کے مطابق شاہراہ پر جمع ملبے کو ہٹانے کے لئے مشینری اور نفری کو کام پر لگا دیا گیا ہے۔انہوں نے کہا کہ شاہراہ اچھی طرح سے قابل آمد و رفت بن جانے کے بعد ہی اس پر ٹریفک کی نقل و حمل کو بحال کیا جاسکتا ہے۔
