راجکوٹ، 18 جون :
ان دنوں زبردست فارم میں چل رہے ٹیم انڈیا کے بلے باز دنیش کارتک ہندوستانی ٹیم کے موجودہ سیٹ اپ میں خود کو محفوظ محسوس کررہے ہیں۔
ٹی۔20 کرکٹ میں ڈیبیو کرنے کے 15 سال سے زیادہ وقت کے بعد دنیش کارتک نے اپنا پہلی ٹی۔20 نصف سنچری اسکور کی۔ دنیش کارتک کے شاندار 55رنون کی بدولت ٹیم انڈیا نے جنوبی افریقہ کے خلا ف 6وکٹ کے نقصان پر 169رن بنائے ۔ اس کے جواب میں جنوبی افریقہ کی پوری ٹیم محض 87رن ہی بنا سکی ۔ 82رنوں سے ملی اس جیت کے ساتھ ہی ہندوستان نے ایک میچ باقی رہتے ہوئے سیریز میں 2-2 سے برابر کرلی ہے۔
میچ کے بعد کارتک نے کہا، ”بس اچھا محسوس کر رہا ہوں۔ میں اس سیٹ اپ میں خود کو بہت محفوظ محسوس کر رہا ہوں۔ آخری میچ میں چیزیں منصوبہ بندی کے مطابق نہیں ہوئیں، لیکن میں نے جا کر خود کو ثابت کیا۔ مجھے لگتا ہے کہ میں تھوڑا بہتر سوچ رہا ہوں اور حالات کا بہتر اندازہ لگانے کے قابل ہوں اور یہ پریکٹس کے ساتھ آتا ہے۔ اس کاکریڈٹ میرے کوچ کو جاتا ہے“۔
جنوبی افریقہ کیگیندبازی کے بارے میں بات کرتے ہوئے انہوں نے کہا، ”انہوں نے شاندار گیند بازی کی اور ہمارے لیے مشکل بنا دی۔ یہ ایک مشکل پچ تھی جس پر بیٹنگ کرنا مشکل تھا۔ باونڈری لگانا مشکل تھا۔ ہمارے اوپنرز عام طور پر ہمیں اچھی شروعات دیتے ہیں۔ جب میں اور ہاردک میدان پر تھے تو انہوں نے مجھے اپنا وقت لینے کے لئے کہا ۔ یہ اہم تھا کہ جو کھلاڑی لمبے وقت سے آس پاس ہے ، انہیں ایسی پچوں پر کھڑے ہونے کی ضرورت ہے“ َ۔
ٹیم انڈیا کی 82 رن کی جیت کے بعد سیریز اب مزید سنسنی خیز ہو گئی ہے۔ 19 جون کو بنگلورو میں کھیلا جانے والا آخری میچ اب سیریز کے فاتح کا فیصلہ کرے گا۔ جنوبی افریقہ نے پہلے دو میچوں میں شاندار کارکردگی کا مظاہرہ کیا لیکن اس کے بعد میزبان بھارت نے شاندار واپسی کرتے ہوئے اگلے دو میچ جیت کر سیریز 2-2 سے برابر کر لی ہے۔