جموں، 22 جون :
جموں و کشمیر کے ریاسی ضلع میں بدھ کے روز دریائے انس میں اچانک سیلاب میں پانچ افراد پھنس گئے تھے اور انہیں ایس ڈی آر ایف کے اہلکاروں نے بچا لیا۔
واضح رہے کہ جموں و کشمیر میں پچھلے تین روز سے موسلادھار بارش اور پہاڑیوں پر برفباری کا سلسلہ جاری ہے جس وجہ سے میدانی علاقوں میں سیلابی صورتحال پیدا ہو گئی ہے اور بیشتر رابطہ سڑکیں لینڈ سلائیڈنگ کی وجہ سے ناقابل آمدرفت بن گئی ہیں۔
بدھ کے روز ضلع ریاسی میں کچھ لوگوں کے پھنسے ہونے کی اطلاع ملنے پر اسٹیٹ ڈیزاسٹر ریسپانس فورس (ایس ڈی آر ایف) کی ایک ٹیم موقع پر پہنچی اور بچاؤ آپریشن کیا۔اور تمام لوگوں کو بحفاظت بچا لیا گیا ۔
