سرینگر/سرحد پار سے ہونے والے ملیٹنٹ حملوں کے پیش نظر جموں خطہ کے بعض علاقوں سے فوج کی منصوبہ بند مرحلہ وار واپسی کو "غیر معینہ مدت کے لئے” روک دیا گیا ہے۔ حکام کا کہنا تھا کہ حکومت نے جموں خطے میں فوج کی انسداد بغاوت فورس راشٹریہ رائفلزکی موجودگی اور ان کی کارروائی کو کم کرنے اور سیکورٹی کو جموں و کشمیر پولیس اور نیم فوجی دستوں کے حوالے کرنے کا منصوبہ بنایا ہے۔
جموں کے علاقے میں فوج کے پاس تین انسداد بغاوت فورس (سی آئی ایف) ہیں – ڈیلٹا فورس (جو ڈوڈہ کے علاقے کی دیکھ بھال کرتی ہے)، رومیو فورس (راجوری اور پونچھ کے علاقوں کی دیکھ بھال کرتی ہے) اور یونیفارم فورس (اْدھم پور اور بانہال کے علاقوں کی دیکھ بھال کرتی ہے)۔حکام نے بتایا کہ فوج کے کچھ یونٹوں نے پیر پنجال (جموں خطہ) کے جنوب میں آہستہ آہستہ سیکورٹی اور امن و امان کا انتظام مقامی پولیس اور نیم فوجی یونٹوں کے حوالے کرنے کا منصوبہ بنایا تھا۔
تاہم حالات کو مدنظر رکھتے ہوئے خاص طور پر اس سال عسکریت پسندوں کے ہاتھوں ہلاکتوں کو مدنظر رکھتے ہوئے، اس تجویز کو غیر معینہ مدت کے لیے موخر کرنے کا فیصلہ کیا گیا ہے، حکام نے کہاہے کہ جموں خطے کے علاقوں میں ملیٹنٹوںکے ذریعہ 17 ہلاکتیں ہوئی ہیں جن میں 10 فوجی جوان بھی شامل ہیں۔ اس سال یکم جنوری کو راجوری کے ڈانگری گاؤں میں سات شہری مارے گئے تھے۔ ان میں سے، یکم جنوری کی شام کو ملیٹنٹوںکی فائرنگ میں پانچ شہری مارے گئے تھے جبکہ دو نابالغ اس وقت اپنی جانوں سے ہاتھ دھو بیٹھے جب نامعلوم مسلح افراد نے فرار ہونے سے پہلے پیچھے چھوڑ دیا تھاجواگلے دن پھٹ گیا۔
20 اپریل کو پونچھ ضلع کی مینڈھر تحصیل میں بھٹہ دوریاں کے مقام پر جنگجوئوں نے فوج کی گاڑی پر حملہ کیا تو فوج کے پانچ اہلکار اس وقت مارے گئے۔5 مئی کو راجوری کے کنڈی جنگل میں عسکریت پسندوں کے ایک آئی ای ڈی کے دھماکے میں پانچ پیرا کمانڈوز ہلاک اور ایک میجر رینک کا افسر زخمی ہوا۔اندرونی علاقوں سے فوج کو واپس بلانے کی تجویز پر کچھ عرصے سے بحث چل رہی تھی اور جموں و کشمیر کے لیفٹیننٹ گورنر منوج سنہا کی سربراہی میں یونیفائیڈ ہیڈکوارٹر (یو ایچ کیو) میں حتمی سفارش کی جانی تھی۔
5 اگست 2019 کو آرٹیکل 370 کی منسوخی کے بعد، امن و امان اور ملٹنسی سے متعلق واقعات میں کمی ہوئی ہے جس کے ساتھ پتھراؤ کے واقعات کی تعداد صفر ہوگئی ہے۔
