اننت ناگ/در ہند محترمہ دروپدی مرمو 5 ستمبر 2023 کو وگیان بھون، نئی دہلی میں 75 منتخب ایوارڈ حاصل کرنے والوں کو نیشنل ٹیچر ایوارڈ 2023 سے نوازیں گے۔ ہر سال، ہندوستان 5 ستمبر، ڈاکٹر سرو پلی رادھا کرشنن کی یوم پیدائش کو قومی یوم اساتذہ کے طور پر مناتا ہے۔
نیشنل ٹیچرز ایوارڈ کا مقصد ملک میں اساتذہ کی منفرد خدمات کا جشن منانا اور ان اساتذہ کو اعزاز دینا ہے جنہوں نے اپنے عزم اور لگن سے نہ صرف تعلیمی معیار کو بہتر کیا بلکہ اپنے طلباء کی زندگیوں کو بھی سنوارا۔ ہر ایوارڈ میں میرٹ کا سرٹیفکیٹ50ہزار روپے نقد انعام اور چاندی کا تمغہ ہوتا ہے ۔ ایوارڈ حاصل کرنے والوں کو وزیر اعظم سے بات چیت کا موقع بھی ملے گا۔ مڈل اسکول، پوشناری، چترگل، اننت ناگ، جموں و کشمیر کے اساتذہ ریاض احمد شیخ کو بھی قومی ٹیچر ایوارڈ ملے گا۔محکمہ سکول ایجوکیشن اینڈ لٹریسی، وزارت تعلیم ہر سال یوم اساتذہ کے موقع پر ایک قومی سطح کی تقریب کا اہتمام کر رہی ہے تاکہ ملک کے بہترین اساتذہ کو قومی ایوارڈز سے نوازا جا سکے، جنہیں ایک سخت، شفاف انتخابی عمل کے ذریعے منتخب کیا جاتا ہے۔
اس سال سے، نیشنل ٹیچرز ایوارڈ کے دائرہ کار کو بڑھا کر اس میں محکمہ اعلیٰ تعلیم اور وزارت ہنرمندی کی ترقی اور انٹرپرینیورشپ کے اساتذہ کو شامل کیا گیا ہے۔ اس سال 50 اسکول ٹیچرز، 13 ہائیر ایجوکیشن اور 12 ٹیچرز کو اسکل ڈیولپمنٹ اینڈ انٹرپرینیورشپ کی وزارت سے نوازا جائے گا۔
