سرینگر 22دسمبر / موسم سرما کی شروعات کے ساتھ ہی بجلی کی مانگ میں اضافہ ہوتا ہے کی بات کرتے ہوئے کشمیر پاور ڈسٹر بیوشن لمٹیڈ ( کے پی ڈی سی ایل ) کے چیف انجینئر انجینئر جاوید احمد ڈار نے کہا کہ گزشتہ کئی سالوں کے دوران 19سو میگا واٹ کی مانگ بھی پوری کی گئی ہے ۔ انہوں نے صارفین سے تعاون کی اپیل کرتے ہوئے کہا کہ عوامی تعاون سے بجلی کی صورتحال میں بہتری ممکن ہے ۔
کشمیر پاور ڈسٹر بیوشن لمٹیڈ ( کے پی ڈی سی ایل ) کے چیف انجینئر کشمیر انجینئر جاوید احمد ڈار نے کہا کہ ہر سال کی طرح امسال بھی موسم سرما میں بجلی کی مانگ میں اضافہ ہو رہا ہے اور ہمارے کوشش ہوتی ہے کہ موسم سرما کے دوران جو شیڈول مقرر کیا جاتا ہے اس کے مطابق صارفین کو بجلی سپلائی فراہم کی جائے تاکہ موجود وقت میں مانگ میں اضافہ کے چلتے کچھ علاقوں میں شیڈول کے مطابق بجلی فراہم نہیں ہوتی ہے اور وہ اضافہ کٹوتی دیکھنے کو ملتی ہے ۔
جاوید احمد ڈار نے مزید کہا کہ جب سے لیفٹنٹ گورنر منوج سنہا نے اس میں ذاتی مداخلت کی ہے تب سے لیکر بجلی کی صورتحال میںکافی بہتری آئی ہے اور میٹر والے علاقوں میں کچھ ایسے فیڈرس ہے جہاں بنا کٹوٹی کے بجلی فراہم کی جاتی ہے ۔ انہوں نے کہا کہ بجلی سپلائی کی بہتری میں عوامی تعاون لازمی ہے اور جب تک صارفین محکمہ کے ساتھ تعاون کریں گے تو بجلی کی صورتحال میں بہتری آئی گی ۔ انہوں نے مزید کہا کہ کچھ علاقے ایسے ہیں جہاں میٹر نہیں ہے وہاں بھی لوگوں کو چاہیے کہ وہ بجلی کی سپلائی کو مد نظر رکھتے ہوئے شام کے اوقات ہیٹروں اور بائیلروں کا استعمال کم کریں ۔ انجینئر جاوید احمد ڈار نے عوام سے اپیل کی ہے کہ موسم سر ما کے دوران بجلی کی سپلائی کو مد نظر رکھتے ہوئے اس کا استعمال کریں اور محکمہ بجلی کے ساتھ تعاون کریں تاکہ ہم موسم سرما کے دوران بھی صارفین کو شیڈول کے مطابق بجلی صورتحال فراہم کی جا سکے ۔
