سری نگر: پہاڑی لیڈروں کے ایک وفد نے جمعرات کی شام سری نگر میں وزیر داخلہ امت شاہ سے ملاقات کی۔
یہاں للت ہوٹل میں میٹنگ کے بعد میڈیا سے بات چیت کے دوران، وفد کے ارکان نے اپنی کمیونٹی کے دیرینہ مسائل کو حل کرنے کے لیے وزیر داخلہ اور وزیر اعظم نریندر مودی دونوں کا شکریہ ادا کیا۔
ذرائع نے انکشاف کیا ہے کہ جموں و کشمیر کے بھارتیہ جنتا پارٹی کے لیڈروں سے ملاقات کے علاوہ وزیر داخلہ آج رات کئی دیگر وفود سے بھی ملاقات کرنے والے ہیں۔
قبل ازیں امیت شاہ کا سری نگر کے دی للت ہوٹل میں بی جے پی لیڈروں نے استقبال کیا۔
وزیر داخلہ کی حفاظت کو یقینی بنانے کے لیے، ان کے دورے کے دوران شہر بھر میں حفاظتی اقدامات کو نمایاں طور پر بڑھا دیا گیا تھا۔(KNS)
