سری نگر/25 ؍مئی:
18ویں لوک سبھا کے عام اِنتخابات کے لئے ووٹنگ کا چھٹا مرحلہ آج یہاں پرامن طریقے سے اختتام پذیر ہوا جس میں اننت ناگ، کولگام، پونچھ اور شوپیاں اور راجوری اضلاع میں جزوی طور پر تقریباً 53 فیصد ووٹنگ ہوئی۔ فیصد کے اعداد و شمار میں جزوی اصلاح کی توقع ہے کیوں کہ کچھ پولنگ سٹیشنوں پر شام 6 بجے کے بعد بھی ووٹنگ جاری ہے اور بہت سی پولنگ پارٹیاں ابھی تک اِستقبالیہ مرکز نہیں پہنچی ہیں۔ یہ غیر معمولی شرکت ان اضلاع میں امن اور شہری مصروفیت کے ایک نئے دور کی علامت ہے۔ اس برس کے انتخابات بغیر کسی بائیکاٹ کی کال یا دھمکی کے منعقد کئے گئے جو رائے دہندگان کے بیلٹ کی طاقت پر اعتماد کو ظاہر کرتے ہیں۔ایک بھی پولنگ سٹیشن نے صفر ووٹ نہیں دیے جو کہ جمہوری عمل کے لئے وسیع جوش اور عزم کا ثبوت ہے۔ 2019 ء کے لوک سبھا اِنتخابات میں اسی طرح کا 9.70 فیصد تھا۔ رائے دہندگان نے بڑے جوش و خروش کے ساتھ حصہ لیا۔
جموں و کشمیر میں ملی ٹینسی کے عروج کے بعد سے اننت ناگ پارلیمانی حلقہ میں اب تک کا سب سے زیادہ ووٹنگ فیصد 1996 ء میں 50.02 فیصد کے ساتھ ریکارڈ کیا گیا تھا۔ اس طرح جموں و کشمیر میں ملی ٹینسی کے عروج کے بعد سے گزشتہ 35 سالوں میں آج 53 فیصد رائے دہندگی سب سے زیادہ ہے۔
اننت ناگ پارلیمانی حلقہ کے 2,338 پولنگ سٹیشنوں پر پولنگ ہوئی اور تمام پولنگ سٹیشنوں پرلائیو ویب کاسٹنگ کی گئی۔ پورے پارلیمانی حلقہ میں صبح 7 بجے ووٹنگ شروع ہوئی جس میں پرجوش ووٹروں کی لمبی قطاریں اپنے ووٹ کاسٹ کرنے کے منتظر تھیں۔
چیف الیکٹورل آفیسرجموں وکشمیر اور الیکشن ڈیپارٹمنٹ کے دیگر سینئر افسران نے آئی سی سی سی ایچ ایم ٹی بمنہ میں قائم یونین ٹیریٹری لیول کمانڈ اینڈ کنٹرول سینٹر اور سی ای او آفس سری نگر سے پارلیمانی حلقے میں چھٹے مرحلے کی ووٹنگ کی پیش رفت کی نگرانی کی۔
ووٹنگ ختم ہونے تک اننت ناگ ۔ راجوری پارلیمانی حلقہ کے اسمبلی حلقوں میں زینہ پورہ 40فیصد ، ڈی ایچ پورہ 55فیصد ، کولگام 32فیصد، دیوسر 44فیصد، ڈورو 46فیصد، کوکر ناگ52فیصد، اننت ناگ ویسٹ 36.9 فیصد ، اننت ناگ 33.48 فیصد ، سری گفوارہ ۔ بیجی بہاڑہ 43فیصد ، شانگس ۔اننت ناگ ایسٹ 43فیصد، پہلگام 56فیصد ، نوشہرہ 65.47فیصد ، راجوری 67.18فیصد، بدھل 67فیصد، تھانہ منڈی 66.20فیصد، سرنکوٹ 68.36فیصد، پونچھ حویلی 67.35فیصد ، مینڈھر 66.8فیصد ، مائیگرنٹ ووٹنگ40فیصد، پوسٹل بیلٹ جو آج تک وصول ہوئے9761 میں عارضی طور پر ووٹنگ رہی۔
چیف الیکٹورل آفیسر جموں وکشمیر پانڈرانگ کے پولے نے اپنے پیغام میں تمام رائے دہندگان کو مبارکباد دی اور ان تمام رائے دہندگان کا شکریہ ادا کیا جو بڑی تعداد میں اپنا ووٹ ڈالنے آئے تھے۔ انہوں نے انتخابی عمل میں تعینات سیکورٹی اہلکاروں، پولیس افسران، اے آر او، آر او اور ڈسٹرکٹ الیکشن افسران سمیت تمام پولنگ اہلکاروں کی جانب سے جاری انتخابات کو کامیاب بنانے میں ان کی خدمات کو بھی سراہا۔
