سری نگر، 9جولائی:
کرگل میں تازہ برف باری کے باعث میدانی علاقوں میں سردی کی شدت میں اضافہ دیکھنے کو ملا ہے۔معلوم ہوا ہے کہ کرگل کے رانگدم علاقے میں اتوار کی صبح چار سے پانچ انچ برف ریکارڈ کی گئی۔
اطلاعات کے مطابق کرگل کے رانگدام علاقے میں غیر متوقع برف باری دیکھ کر لوگ دنگ رہے گئے ۔کرگل کے رنگدام علاقے میں اتوار کی صبح چار سے پانچ انچ برف ریکارڈ کی گئی اور پورے علاقے میں برف کی سفید چادر بچھ گئی۔۔
ماہر موسمیات فیضان عارف نے یو این آئی اردو کو بتایا کہ کرگل میں جولائی کے مہینے میں برف باری ہوننا غیر معمولی بات ہے ۔انہوں نے کہاکہ چونکہ یہ دور افتادہ علاقہ ہے اور ماضی میں یہاں پر جولائی کے مہینے میں برف باری ہونے کا کوئی ریکارڈ موجود نہیں۔ان کا کہنا تھا کہ جولائی کے مہینے میں کرگل کے دور افتادہ علاقے میں معمولی برف باری اگر چہ ہوئی ہوگی تاہم چار سے پانچ انچ برف گرنے کی نظیر ملنا مشکل ہے۔
