احمد آباد ، 27 جولائی:
گجرات کے بوٹاڈ ضلع میں مبینہ طور پر زہریلی شراب پینے سے مرنے والوں کی تعداد بدھ کو بڑھ کر 57 ہو گئی۔ دریں اثنا اس کے لیے تشکیل دی گئی ایس آئی ٹی کے آئی پی ایس افسر سبھاش ترویدی نے جانچ شروع کی۔ بروالاتحصیل کے روجد گاو¿ں میں 12 اور تحصیل ران پور میں 8 افراد جاں بحق ہوئے جن میں دو خواتین بھی شامل ہیں۔ بروالا کے دیوگانہ گاو¿ں میں کنو بھائی نامی شخص کی کیمیکلز والی زہریلی شراب پینے سے موت ہو گئی۔ یہاں پولیس نے کنو بھائی کے 4 بچوں کو گود لے لیا۔ پولیس بچوں کی تعلیم سمیت دیگر ذمہ داریاں نبھائے گی۔
بوٹاد کے پولیس سپرنٹنڈنٹ ڈاکٹر کرن راج واگھیلا نے بتایا کہ بوٹاد کے بروالا اور ران پور میں تمام پولیس ٹیمیں رات بھر مصروف رہیں۔ صبح سے مختلف ٹیمیں کام کر رہی ہیں۔ پانچ ٹیمیں بروالا میں اور چار ٹیمیں رانپور میں کام کر رہی ہیں۔ انہوں نے کہا کہ اگر کسی کو الٹی اور چکر آنے کا مسئلہ ہو تو فوری طور پر پولیس کو اطلاع دیں۔ پولیس نے تمام گاؤں کے باہر ایمبولینسیں تعینات کر دی ہیں۔ کمیونٹی ہیلتھ سنٹر میں ایمبولینسز کو اسٹینڈ بائی پر رکھا گیا ہے۔بوٹاڈ کے ضلعی سپرنٹنڈنٹ آف پولیس نے بروالا تھانے کی اے ایس آئی یاسمین جگریلا کو معطل کر دیا ہے۔ خاتون اے ایس آئی یاسمین جگریلا کو دیسی شراب کی فروخت کی مبینہ آڈیو کلپ وائرل ہونے کے بعد بوٹاڈ ہیڈ کوارٹر بھیج دیا گیا ہے۔
