سرینگر10اگست:
جنوبی کشمیر کے ضلع پلوامہ میں بدھ کی صبح پولیس نے ایک ٹہاب علاقے میں ایک زیر زمین بارودی سرنگ کا قبل از وقت پتہ لگا کر ایک بڑے حادثے کو ٹال دیا ہے ۔پولیس نے بتایا25سے30کلو گرام یہ سرنگ بر لب سڑک بچھائی گئی تھی جس کو بی ڈی ایس نے ناکارہ بنا دیا ہے ۔
تفصیلات کے مطابق جنوبی کشمیر کے ضلع پلوامہ میں سیکیورٹی فورسز نے ایک بڑے حادثے کو ٹالنے کا دعویٰ کیا ہے۔پولیس کے اعلیٰ حکام نے بتایا ضلع میں سرکلر روڈ کے ٹہب کراسنگ پرایک مصدقہ اطلاع ملنے کے بعدپولیس اور فورسز نے یہاں زیر زمین بچھائی گئی 25 سے 30 کلو گرام وزن کی بارودی سرنگ کو ناکارہ بنا دیا ہے۔
کشمیر پولیس زون نے ایک ٹویٹ میں اے ڈی جی پی کشمیر کا حوالہ دیتے ہوئے بتایا،’’پلوامہ کے ٹہب کراسنگ سرکلر روڈ پر بچھائی گئی 25ے30کلو بارودی سرنگ کو تباہ کر دیا گیا، قبل از وقت مصدقہ اطلاع کہ ملنے پر کی گئی کارروائی سے ایک بڑا حادثہ ٹل گیا ہے۔‘‘واضح رہے کہ وادی کشمیر میں 15 اگست تقریبات کے پیش نظر پہلے ہی سیکورٹی کو متحرک رکھا گیا ہے۔
