پلوامہ:،02ستمبر:
جنوبی کشمیر کے پلوامہ ضلع کے یوگر گنڈ علاقے میں جمعہ کی صبح مشتبہ عسکریت پسندوں کی فائرنگ سے ایک غیر مقامی شخص زخمی ہو گیا۔ اطلاعات کے مطابق عسکریت پسندوں نے یوگرگنڈ میں ایک غیر مقامی شخص کو گولی مار کر زخمی کر دیا ہے۔
پولیس نے بتایا کہ عسکریت پسندوں نے پلوامہ کے یوگر گنڈ نیوا میں ایک غیر ملکی مزدور منیر الاسلام ولد عبدالکریم ساکنہ مغربی بنگال پر فائرنگ کی۔ اسے ضلع اسپتال پلوامہ منتقل کیا گیا ہے جہاں اس کی حالت مستحکم بتائی جارہی ہے۔ حملے کے فوراً بعد حملہ آوروں کو پکڑنے کے لیے پورے علاقے کو گھیرے میں لے لیا گیا ہے۔
