یریوان (آرمینیا)، 14 ستمبر:
تقریباً دو سال کے امن کے بعد آرمینیا اور آذربائیجان کی سرحد پر ایک بار پھر تنازع شروع ہو گیا ہے۔ اس لڑائی میں 49 آرمینیائی فوجی ہلاک ہو چکے ہیں۔ آذربائیجان کا کہنا ہے کہ ان کی 50 ہلاکتیں بھی ہوئی ہیں۔
آرمینیائی وزارت دفاع کے مطابق پیر کی آدھی رات کے بعد آذربائیجانی افواج نے توپ خانے اور ڈرونز کا استعمال کرتے ہوئے اس کے علاقے میں بیک وقت حملوں کا سلسلہ شروع کیا۔ آرمینیائی فوج نے منہ توڑ جواب دیا ہے۔ اس لڑائی میں اس کے 49 فوجی مارے گئے۔
آذربائیجان کی وزارت خارجہ نے کہا کہ آرمینیا نے پیر کی دیر رات اور منگل کی صبح ان کی سرزمین پر فائرنگ کی۔ آرمینیائی فوجیوں نے علاقے میں بارودی سرنگیں بچھا رکھی ہیں اور فوجی اڈوں پر فائرنگ کی ہے۔ اس حملے میں ان کے 50 فوجیوں کی جانیں گئیں۔
ادھر روس نے دونوں کے درمیان جنگ بندی کرانے کی کوشش کی ہے۔ لیکن روس کو کامیابی نہ مل سکی۔ گولہ باری کم ہوئی، لیکن آذربائیجانی فوج دن بھر آرمینیا میں داخل ہونے کی کوشش کرتی رہی۔ آذربائیجان کی گولہ باری میں کئی شہری ڈھانچے کو بھی نقصان پہنچا ہے۔
قابل ذکر ہے کہ ناگورنو کاراباخ آذربائیجان کا حصہ ہے۔ 1994 میں علیحدگی پسند جنگ کے خاتمے کے بعد سے آرمینیا کی حمایت یافتہ افواج کا کنٹرول ہے۔ 2020 میں، دونوں کے درمیان چھ ہفتے تک جاری رہنے والی جنگ میں 6,600 سے زائد افراد ہلاک ہو چکے ہیں۔
