از:ڈاکٹر نظیر مشتاق
لچھمی داس نے بوڑھی عورت کو پکارا اور بیڑی سلگای وہ اس ۔پسماندہ بستی کا ایک ادھیڑ عمرشرابی چرسی شخص تھا جس کا دنیا میں کوئی نہ تھا اس کی کل پونجی ایک جھونپڑی اور ایک ٹوٹی پھوٹی سایکل تھی ۔۔وہ بوڑھی عورت کو ہر روز اس کے دو میں سے ایک بیٹے کے پاس لے جاتا تھا تاکہ وہ وہاں کھانا کھا سکے اور پھر واپس۔لے آتا۔۔۔۔ ودھوا ہونے کے بعد بیٹوں۔ نے ماں کو جھونپڑی میں ہی چھوڑ دیا اؤر خودالگ الگ جگہوں پر رہنے لگے ۔۔۔۔۔دونوں بیٹے پندرہ پندرہ دن ماں کو دن کا کھانا کھلاتے اور شام کا کھانا پیک کرکے دیتے ۔۔۔۔
بوڑھی عورت باہر آگی اس کے چہرے پر ہوائیاں اڑ رہی تھیں ۔۔۔۔۔اس نے لچھمی داس سے پوچھا ۔۔۔۔لچھمی داس یہ کون سا مہینہ چل رہا ہے اس کے کتنے دن ہیں ۔۔۔۔۔لچھمی داس نے کچھ نہ سمجھتے ہوئے جواب دیا ۔۔۔۔۔یہ جولائی کا مہینہ ہے اکتیس دن کا ہوتا ہے ۔۔۔۔۔۔۔یہ سن کر بوڑھی عورت نے ۔کہا۔۔۔۔لچھمی داس تم چلے جاؤ آج میں کھانا کھانے نہیں جاؤں گی۔۔
کیوں ۔۔۔۔۔۔لچھمی داس نے حیران ہو کر پوچھا ۔۔۔۔بوڑھی عورت نے جواب دیا ۔۔۔۔۔۔۔وہ اس لیے کہ چھوٹو کے پاس پندرہ دن اور بڈو کو پاس پندرہ دن کھانا کھاتی ہوں۔۔۔۔ہو گئے نا تیس دن ۔۔۔۔۔اج تو اکتیسواں دن ہے۔ فیصلہ صرف پندرہ دن کے کھانے کا ہوا ہے اس لیے آج دونوں میں سے کوئی مجھے کھانا نہیں دےگا ۔۔۔۔اج مجھے بھوکی ہی رہنا پڑے گا ۔۔۔۔جواب دو نا مای ۔۔۔۔۔۔لچھمی داس نے اسے خاموش دیکھ کر کہا ۔۔۔۔۔۔۔۔۔۔۔۔۔۔۔۔۔
کچھ نہیں کچھ نہیں کچھ نہیں۔ اس نے کہا۔۔۔۔۔۔۔۔۔۔۔۔۔۔۔۔۔۔۔۔۔ اس کی آنکھوں میں آنسو اور لبوں پر مسکراہٹ تھی ۔
