خواموشی کتنی خوبصورت ہوتی ہے کتنا سکون دیتی ہے یہ اس کائنات میں اللہ پاک کی محبت خاموش مگر کتنی پرسکون ہے۔اللہ کو کسی وضاحت کی ضرورت نہیں وہ بس ہمارے خاموشی سے آسمان کی طرف دیکھنے سے ہی ہم سے پیار کرتا ہے۔ ہمیں مسکرا کے دیکھتا ہے۔فجر ہوتے ہی خاموشی سے اندھیرا جاتا ہے،روشنی خاموشی سے آتی ہے، تارے، آسمان،پھول،پودے،چاند، سورج اور دریا میں بہتا پانی سمندر کا خاموش پانی مچھلیاں اور بیشمار دیگر مخلوق سب رب کی خاموش پرسکون محبت کی نشانیاں ہیں۔وہ رب جو خاموش رہتے ہوئے بھی کبھی تنہا نہیں چھوڑتا۔ہمارے عیب دیکھتے ہوئے بھی ہمیشہ اپنے پاس رکھ کر خیال رکھتا ہے اور پھر اس خاموشی میں سکون دیکر بے نیاز کردیتا ہے۔راقم نے اپنے گزرے ہوئے دنوں سے سیکھا ہے خاموشی ایک بہترین جواب ہے۔کوئی دل دکھائے تو خاموش ہو جائیں کیونکہ جب آپکا دل دکھانے والا آپ کو خاموش دیکھے گا تو اس سے ذیادہ تکلیف دہ بات اس کے لئے کوئی نہیں ہوگی۔کوئی دھوکا دے تو خاموش ہوجائیں کیونکہ یہ دھوکا اپنا مکان کبھی نہیں بھولتا ایک نا ایک دن گھوم پھر کے واپس اس انسان کے پاس آجاتا ہے جس نے دھوکا دیا ہوتا ہے اذیت حدوں کو چھونے لگے تو خاموش ہو جائیں کیونکہ یہ خاموشی آپ کی اذیت کا گلا خود ہی گھونٹ دے گی ماضی کے دکھ اگر اذیت دیں تو خاموش ہو جائیں کیونکہ ایک نا ایک دن آپ کی خاموشی آپکے ماضی کی اذیت کو مٹا کر آپکے مستقبل کو روشن کردے گی کوئی آپ کو آخری حد تک ستائے تو تب بھی خاموش رہیں کیونکہ آپکی یہ خاموشی اس انسان کے لئے اچھا جواب ہوگی زندگی میں کبھی مشکلیں آئیں تو خاموش ہو جائیں کیونکہ آزمائشیں اللہ کے نیک بندوں پر ہی آتی ہیں آپکی خاموشی آپکے صبر میں اضافہ کرے گی جو کہ آخرت میں کامیابی کا سبب ہوگا یقین کریں اگر آپنے خاموش رہنا سیکھ لیا نا تو آپ دنیا کے کامیاب ترین انسان ہیں اور جہاں جہاں آپکے ساتھ ذیادتی ہوئی اور آپ خاموش رہے تو بےشک اللہ کے ہاں آپکے لئے بہترین اجر ہے۔
